ਕ੍ਰਾਂਤੀਕਾਰੀ ਪੇਂਡੂ ਮਜ਼ਦੂਰ ਯੂਨੀਅਨ ਵੱਲੋਂ ਸੰਗਰੂਰ 'ਚ ਧਰਨਾ

ਕ੍ਰਾਂਤੀਕਾਰੀ ਪੇਂਡੂ ਮਜ਼ਦੂਰ ਯੂਨੀਅਨ ਵੱਲੋਂ ਸੰਗਰੂਰ 'ਚ ਧਰਨਾ
ਕ੍ਰਾਂਤੀਕਾਰੀ ਪੇਂਡੂ ਮਜ਼ਦੂਰ ਯੂਨੀਅਨ ਦੀ ਅਗਵਾਈ ਹੇਠ ਪਿੰਡ ਕਾਕੜਾ ਵਿਖੇ ਹੋਈ ਡੰਮੀ ਬੋਲੀ ਖਿਲਾਫ 6 ਜੁਲਾਈ ਨੂੰ ਡੀਸੀ ਦਫ਼ਤਰ ਸੰਗਰੂਰ ਮੂਹਰੇ ਧਰਨਾ ਲਗਾਇਆ ਗਿਆ। ਇਕ ਘੰਟੇ ਲਈ ਘਿਰਾਓ ਕੀਤਾ ਡੀਡੀਪੀਓ ਸੁਖਪਾਲ ਸਿੰਘ ਸਿੱਧੂ ਨੇ ਵਫ਼ਦ ਨੂੰ ਪੂਰਨ ਵਿਸ਼ਵਾਸ ਦੁਆਇਆ ਕਿ ਡੰਮੀ ਬੋਲੀ ਰੱਦ ਕੀਤੀ ਜਾਵੇਗੀ ਅਤੇ ਇਸ ਸਬੰਧੀ ਪੂਰਾ ਰਿਕਾਰਡ ਬੀ ਡੀ ਪੀ ਓ ਰਾਹੀਂ ਮੰਗਵਾਇਆ ਜਾਵੇਗਾ ਅਤੇ ਵੀਰਵਾਰ ਨੂੰ ਬੋਲੀ ਪਿੰਡ ਦੀ ਜਨਤਕ ਥਾਂ ਨਿਯਮਾਂ ਮੁਤਾਬਕ ਦਲਿਤ ਮਜ਼ਦੂਰ ਭਾਈਚਾਰੇ ਦੀ ਧਰਮਸ਼ਾਲਾ ਚ ਕਰਵਾਈ ਜਾਵੇਗੀ। ਪਿੰਡ ਕਾਕੜਾ ਵਿਖੇ ਪੰਚਾਇਤੀ ਰਿਜ਼ਰਵ ਕੋਟੇ ਦੀ ਜ਼ਮੀਨ ਦੀ ਬੋਲੀ ਘੱਟ ਰੇਟ ਤੇ ਅਤੇ ਸਾਂਝੇ ਤੌਰ ਤੇ ਲੈਣ ਲਈ ਲਗਾਤਾਰ ਚੱਲ ਰਹੇ ਤਿੱਖੇ ਸੰਘਰਸ਼ ਤਹਿਤ ਪਿਛਲੀ ਰਾਤ ਉਦੋਂ ਮਾਹੌਲ ਗਰਮਾ ਗਿਆ ਜਦੋਂ ਹੀ ਪੰਚਾਇਤੀ ਰਿਜ਼ਰਵ ਕੋਟੇ ਜ਼ਮੀਨ ਚ ਬਿਨਾਂ ਬੋਲੀ ਹੋਏ ਟਰੈਕਟਰ ਰਾਹੀ ਵਹਾਈ ਹੋਣੀ ਸ਼ੁਰੂ ਹੋਈ ਤਾਂ ਦਲਿਤ ਮਜ਼ਦੂਰ ਭਾਈਚਾਰੇ ਨੇ ਇਕੱਠੇ ਹੋ ਕੇ ਉਸ ਜ਼ਮੀਨ ਚੋਂ ਟਰੈਕਟਰ ਚਾਲਕ ਨੂੰ ਬਾਹਰ ਕੱਢਿਆ ਅਤੇ ਵਹਾਈ ਰੋਕੀ ।ਇਸ ਉਪਰੰਤ ਚੱਕਾ ਜਾਮ ਕੀਤਾ ਗਿਆ ਤਾਂ ਐੱਸ ਐੱਚ ਓ ਭਵਾਨੀਗੜ੍ਹ ਨੇ ਆ ਕੇ ਵਿਸ਼ਵਾਸ ਦੁਆਇਆ ਕਿ ਤੁਹਾਨੂੰ ਹਰ ਹਾਲਤ ਵਿੱਚ ਇਨਸਾਫ਼ ਮਿਲੇਗਾ ਉਨ੍ਹਾਂ ਵੱਲੋਂ ਵਿਸ਼ਵਾਸ ਦੁਆਏ ਜਾਣ ਤੋਂ ਬਾਅਦ ਚੱਕਾ ਜਾਮ ਉਠਾਇਆ ਗਿਆ । ਅੱਜ ਛੇ ਜੁਲਾਈ ਨੂੰ ਬੀਡੀਪੀਓ ਭਵਾਨੀਗੜ੍ਹ ਦਫਤਰ ਮੂਹਰੇ ਧਰਨਾ ਲਗਾਏ ਜਾਣ ਤੋਂ ਬਾਅਦ ਜਦੋਂ ਉਨ੍ਹਾਂ ਕਿਹਾ ਕਿ ਜੇਕਰ ਤੁਹਾਨੂੰ ਲੱਗਦਾ ਹੈ ਕਿ ਡੰਮੀ ਬੋਲੀ ਹੋਈ ਹੈ ਤਾਂ ਡੰਮੀ ਬੋਲੀ ਨੂੰ ਰੱਦ ਕਰਨ ਦਾ ਅਧਿਕਾਰ ਡੀ ਡੀ ਪੀ ਓ ਕੋਲ ਹੈ ਤੁਸੀਂ ਉਸ ਨੂੰ ਜਾ ਕੇ ਮਿਲੋ ਉਹ ਜੋ ਮੈਨੂੰ ਹਦਾਇਤ ਕਰਨਗੇ ਉਸ ਮੁਤਾਬਕ ਕਾਰਵਾਈ ਕੀਤੀ ਜਾਵੇਗੀ ..................... ਜ਼ਿਕਰਯੋਗ ਹੈ ਕਿ ਅੱਜ ਸਵੇਰੇ ਭਵਾਨੀਗੜ੍ਹ ਵਿਖੇ ਅਤੇ ਸੰਗਰੂਰ ਵਿਖੇ ਲਗਾਏ ਜਾ ਰਹੇ ਧਰਨੇ ਦੀ ਤਿਆਰੀ ਕਰ ਰਹੇ ਪਿੰਡ ਆਗੂਆਂ ਉੱਪਰ ਘੜੰਮ ਚੌਧਰੀਆਂ ਦੇ ਇਸ਼ਾਰੇ ਤੇ ਇਕ ਔਰਤ ਸਮੇਤ ਤਿੰਨ ਜਣਿਆਂ ਤੇ ਜਾਨਲੇਵਾ ਹਮਲਾ ਕੀਤਾ ਗਿਆ ਜੋ ਪਟਿਆਲੇ ਰੈਫ਼ਰ ਕਰ ਦਿੱਤੇ ਹਨ ਜੋ ਗੰਭੀਰ ਜ਼ਖਮੀ ਹਨ............. ਹਮਲਾ ਕਰਨ ਪਿੱਛੇ ਸਾਜ਼ਿਸ਼ ਇਹ ਕੰਮ ਕਰਦੀ ਸੀ ਕਿ ਕਿਸੇ ਵੀ ਕੀਮਤ ਤੇ ਧਰਨਾ ਸਫਲ ਨਾ ਹੋ ਸਕੇ ।ਪਰ ਉਨ੍ਹਾਂ ਦੇ ਇਰਾਦੇ ਨਾਕਾਮ ਸਾਬਤ ਹੋਏ ਅਤੇ ਧਰਨਾ/ ਘਿਰਾਓ ਪੂਰੀ ਤਰ੍ਹਾਂ ਸਫਲ ਸਿੱਧ ਹੋਇਆ ।
ਪਿੰਡ ਖਡਿਆਲ ਛਾਜਲਾ ਅਤੇ ਉਪਲੀ ਵਿਖੇ ਤੀਜੇ ਹਿੱਸੇ ਦੀ ਜ਼ਮੀਨ ਦਲਿਤ ਮਜ਼ਦੂਰ ਭਾਈਚਾਰੇ ਨੂੰ ਘੱਟ ਰੇਟ ਤੇ ਮਿਲ ਜਾਣ ਤੋਂ ਬਾਅਦ ਕੀਤੀ ਜੇਤੂ ਰੈਲੀ
ਪਿੰਡ ਖਡਿਆਲ ਵਿਖੇ ਪੰਚਾਇਤੀ ਰਿਜ਼ਰਵ ਕੋਟੇ ਦੀ ਤੀਜੇ ਹਿੱਸੇ ਦੀ ਜ਼ਮੀਨ ਦਲਿਤ ਮਜ਼ਦੂਰ ਭਾਈਚਾਰੇ ਨੇ ਤਿੱਖੇ ਸੰਘਰਸ਼ ਚੋਂ ਲੰਘਦਿਆਂ ਘੜੰਮ ਚੌਧਰੀਆਂ ਦੇ ਭੇਜੇ ਹੋਏ ਮੋਹਰਿਆਂ ਦੇ ਮਨਸੂਬਿਆਂ ਨੂੰ ਫੇਲ ਕਰਦਿਆਂ ਆਖਿਰਕਾਰ ਏਕਤਾ ਤੇ ਸੰਘਰਸ਼ ਰਾਹੀਂ ਜ਼ਮੀਨ ਪ੍ਰਾਪਤ ਕਰ ਲਈ । ਜ਼ਮੀਨ ਪ੍ਰਾਪਤ ਕਰ ਲਏ ਜਾਣ ਤੋਂ ਬਾਅਦ ਕੀਤੀ ਜੇਤੂ ਰੈਲੀ। .....ਇਸੇ ਤਰ੍ਹਾਂ ਪਿੰਡ ਛਾਜਲਾ ਅਤੇ ਓਪਲੀ ਵਿਖੇ ਤਿੱਖੇ ਸੰਘਰਸ਼ ਦੀ ਬਦੌਲਤ ਦਲਿਤ ਮਜ਼ਦੂਰ ਭਾਈਚਾਰਾ ਘੱਟ ਰੇਟ ਤੇ ਅਤੇ ਸਾਂਝੇ ਤੌਰ ਤੇ ਜ਼ਮੀਨ ਲੈਣ ਚ ਕਾਮਯਾਬ ਹੋਇਆ।
ਰਿਹਾਇਸ਼ੀ ਪਲਾਟਾਂ ਤੇ ਪੰਚਾਇਤੀ ਜ਼ਮੀਨ ਚੋਂ ਦਲਿਤਾਂ ਦਾ ਬਣਦਾ ਹੱਕ ਲੈਣ ਲਈ ਪੰਚਾਇਤ ਜ਼ਮੀਨ ਚ ਝੰਡਾ ਗੱਡ ਕੇ ਫਰਜੀ ਬੋਲੀ ਦੇ ਵਿਰੋਧ ਵਿੱਚ ਪਿੰਡ ਹੱਸਨ ਮੁੰਡਾ ਬਲਾਕ ਜਲੰਧਰ ਪੱਛਮੀ ਵਿਖੇ ਚੱਲ ਰਹੇ ਸ਼ੰਘਰਸ ਦੀ ਅਗਵਾਈ ਕਰ ਰਹੀ ਪੇਂਡੂ ਮਜ਼ਦੂਰ ਯੂਨੀਅਨ ਪੰਜਾਬ ਦੀ ਸਥਾਨਕ ਆਗੂ ਸੁਖਵਿੰਦਰ ਕੌਰ ਉੱਪਰ ਕਾਂਗਰਸੀ ਪੇਂਡੂ ਚੌਧਰੀਆਂ ਵਲੋਂ ਸ਼ਾਜ਼ਿਸ਼ ਤਹਿਤ ਜਾਨਲੇਵਾ ਕੀਤਾ ਗਿਆ ।ਬਚਾਅ ਲਈ ਅੱਗੇ ਆਏ ਕਿਰਤੀਆਂ ਤੇ ਉਸ ਨਾਬਾਲਿਗ ਧੀ ਦੇ ਵੀ ਸੱਟਾਂ ਮਾਰੀਆਂ ਗਈਆਂ । Zpsc ਦੋਸੀਆਂ ਦੀ ਗ੍ਰਿਫਤਾਰੀ ਦੀ ਮੰਗ ਕਰਦੀ ਹ