ਪ੍ਰੋ. ਸਾਈਂਬਾਬਾ ਅਤੇ ਸਾਥੀਆਂ ਦੀ ਰਿਹਾਈ ਲਈ ਦਿੱਲੀ ਵਿੱਚ ਕਨਵੈਨਸ਼ਨ

ਪ੍ਰੋ. ਸਾਈਂਬਾਬਾ ਅਤੇ ਸਾਥੀਆਂ ਦੀ ਰਿਹਾਈ ਲਈ ਦਿੱਲੀ ਵਿੱਚ ਕਨਵੈਨਸ਼ਨ

ਪ੍ਰੋ. ਜੀ.ਐਨ. ਸਾਈਂਬਾਬਾ, ਪ੍ਰਸ਼ਾਂਤ ਰਾਹੀਂ, ਹੇਮ ਮਿਸ਼ਰਾ ਅਤੇ ਹੋਰ ਸਾਥੀਆਂ ਨੂੰ ਮਾਓਵਾਦੀਆਂ ਨਾਲ ਸਬੰਧਾਂ ਦੇ ਦੋਸ਼ਾਂ ਤਹਿਤ ਦੇਸ਼ ਧਰੋਹੀ ਗਤੀਵਿਧੀਆਂ ਕਾਨੂੰਨ ਤਹਿਤ ਜੇਲ• ਦੀਆਂ ਉੱਚੀਆਂ ਦੀਵਾਰਾਂ ਅਤੇ ਮੋਟੀਆਂ ਸਲਾਖਾਂ ਦੇ ਪਿੱਛੇ ਅੰਡਾਕਾਰ ਸੈੱਲ ਵਿੱਚ ਬੰਦ ਕੀਤਾ ਹੋਇਆ ਹੈ। 90 ਫੀਸਦੀ ਅਪਾਹਜ ਪ੍ਰੋ. ਜੀ.ਐਨ. ਸਾਈਂਬਾਬਾ ਨੂੰ ਸਜ਼ਾ ਸੁਣਾਉਂਦੇ ਹੋਏ ਜੱਜ ਨੇ ਕਿਹਾ ਕਿ ਇਹ ਸਰੀਰਕ ਤੌਰ 'ਤੇ 90  ਫੀਸਦੀ ਅਪਾਹਜ ਹੈ, ਪਰ ਦਿਮਾਗੀ ਤੌਰ 'ਤੇ ਬਹੁਤ ਤੇਜ਼ ਹੈ। ਉਹਨਾਂ ਸਿਰੇ ਦੀ ਨਫਰਤ ਉੱਗਲਦੇ ਹੋਏ ਕਿਹਾ ਮੈਂ ਇਸ ਤੋਂ ਵੱਧ ਸਜ਼ਾ ਨਹੀਂ ਦੇ ਸਕਦਾ, ਮੇਰੇ ਕਾਨੂੰਨ ਨੇ ਹੱਥ ਬੰਨ•ੇ ਹੋਏ ਹਨ, ਨਹੀਂ ਤਾਂ ਇਸ ਤੋਂ ਵੀ ਵੱਧ ਸਜ਼ਾ ਦਿੰਦਾ। ਜੀ.ਐਨ. ਸਾਈਂਬਾਬਾ ਦੀ ਰਿਹਾਈ ਲਈ ਬਣੀ ''ਡੀਫੈਂਸ ਕਮੇਟੀ'' ਅਤੇ ਉਹਨਾਂ ਦੀ ਜੀਵਨ-ਸਾਥਣ ਵਸੰਤਾ ਨੇ ਸਟੇਜ ਤੋਂ ਬੋਲਦੇ ਹੋਏ ਦੋਸ਼ ਲਾਇਆ ਕਿ ਸਾਈਂ ਨੂੰ ਨਾ-ਮੁਰਾਦ ਬਿਮਾਰੀਆਂ ਨੇ ਘੇਰ ਰੱਖਿਆ ਹੈ, ਜੇਕਰ ਉਹ ਜ਼ਿੰਦਾ ਹੈ, ਇਨਕਲਾਬੀ ਸਪਿਰਟ ਅਤੇ ਵਿਚਾਰਾਂ ਕਰਕੇ ਮੌਤ ਨੂੰ ਹਾਰ ਦੇ ਰਿਹਾ ਹੈ ਵਰਨਾ ਹਕੂਮਤ ਉਸ ਨੂੰ ਤਸੀਹੇ ਦੇ ਕੇ, ਦਵਾਈ ਨਾਂ ਦੇ ਕੇ, ਅਪਾਹਜ ਦੀਆਂ ਵਿਸ਼ੇਸ਼ ਲੋੜਾਂ ਮੁਤਾਬਿਕ ਕੌਮਾਂਤਰੀ ਕਾਨੂੰਨ ਮੁਤਾਬਿਕ ਬਣਦੀਆਂ ਸਹੂਲਤਾਂ ਨਾ ਦੇ ਕੇ ਉਸਨੂੰ ਗਿਣੀ-ਮਿਥੀ ਸਾਜਿਸ਼ ਤਹਿਤ ਮਾਰਨਾ ਚਾਹੁੰਦੀ ਹੈ। ਵਸੰਤਾ ਨੇ ਭਾਵੁਕ ਅੰਦਾਜ਼ ਵਿੱਚ ਬੋਲਦੇ ਹੋਏ ਦੱਸਿਆ ਕਿ ਮੈਨੂੰ ਸਾਈਂ ਨਾਲ ਮੁਲਾਕਾਤ ਵੀ ਨਹੀਂ ਕਰਨ ਦਿੱਤੀ ਜਾਂਦੀ। ਹਸਪਤਾਲ ਲੈ ਕੇ ਗਏ ਦੱਸਿਆ ਤੱਕ ਨਹੀਂ ਕਿ ਕਿੱਥੇ ਲੈ ਕੇ ਚੱਲੇ ਹਨ। ਮੈਂ ਹਸਪਤਾਲ ਪਿੱਛੇ ਗਈ, ਉਹਨਾਂ ਮੈਨੂੰ ਉਹਦਾ ਮੂੰਹ ਤੱਕ ਨਹੀਂ ਵੇਖਣ ਦਿੱਤਾ। ਉਹਨਾਂ ਕਿਹਾ ਮੈਂ ਪੂਰੇ ਹੌਸਲੇ ਅਤੇ ਦਲੇਰੀ ਨਾਲ ਕੇਸ ਦੀ ਪੈਰਵਾਈ ਕਰਦੀ ਹਾਂ, ਬਣ ਫਬ ਕੇ ਵਿਚਰਦੀ ਅਤੇ ਹੱਸਦੀ-ਖੇਡਦੀ ਹਾਂ ਤਾਂ ਕਿ ਦੁਸ਼ਮਣ ਇਹ ਨਾ ਸਮਝੇ ਸਾਈਂ ਦੀ ਘਰਵਾਲੀ ਕਿਵੇਂ ਰੁਲੀ ਫਿਰਦੀ ਹੈ, ਰੋਂਦੀ ਫਿਰਦੀ ਹੈ। ਉਹਨਾਂ ਦੇ ਬੋਲਣ ਨਾਲ ਮਾਹੌਲ ਇੱਕਦਮ ਜਜ਼ਬਾਤੀ ਬਣ ਗਿਆ। ਦੁਸ਼ਮਣ ਉਹਨਾਂ ਦੇ ਹੌਸਲੇ ਦੀ ਦਾਦ ਦੇ ਰਹੇ ਹਨ। ਲੋਕ ਪੱਖੀ ਬੁੱਧੀਜੀਵੀ ਅਤੇ ਉੱਘੀ ਲੇਖਿਕਾ ਅਰੁੰਧਤੀ ਰਾਏ ਨੇ ਬੋਲਦੇ ਹੋਏ ਕਿਹਾ, ਹਕੂਮਤ ਹਰ ਆਵਾਜ਼ ਬੰਦ ਕਰ ਦੇਣਾ ਚਾਹੁੰਦੀ ਹੈ। ਮੈਨੂੰ ਇੱਥੇ ਬੋਲਣ ਕਰਕੇ ਅਦਾਲਤੀ ਚੱਕਰ ਕੱਟਣੇ ਪੈ ਰਹੇ ਹਨ। ਉਹਨਾਂ ਕਿਹਾ ਮੈਂ ਸਾਈਂ ਨਾਲ ਮਿਲ ਕੇ ਅਪ੍ਰੇਸ਼ਨ ਗਰੀਨ ਹੰਟ ਰਾਹੀਂ ਲੋਕਾਂ ਖਿਲਾਫ ਛੇੜੀ ਹਕੂਮਤੀ ਜੰਗ ਵਿਰੁੱਧ ਬਹੁਤ ਕੰਮ ਕੀਤਾ ਹੈ, ਇਸੇ ਗੱਲ ਦੀ ਸਜ਼ਾ ਸਾਈਂ ਨੂੰ ਦਿੱਤੀ ਜਾ ਰਹੀ ਹੈ। ਉਹਨਾਂ ਦਾ ਸੋਹਣਾ ਸਮਾਜ ਸਿਰਜਣ ਦੇ ਸੁਪਨੇ ਲੈਣਾ ਹੀ ਗੁਨਾਹ ਬਣ ਗਿਆ ਹੈ। ਜਮਹੂਰੀ ਸ਼ਕਤੀਆਂ ਨੂੰ ਜਮਹੂਰੀਅਤ ਦੀ ਰਾਖੀ ਲਈ ਅੱਗੇ ਆਉਣਾ ਚਾਹੀਦਾ ਹੈ। ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਦੇ ਸੀਨੀਅਰ ਜੱਜ ਆਰ.ਐਸ. ਬੈਂਸ ਨੇ ਗੈਰ-ਕਾਨੂੰਨੀ ਗਤੀਵਿਧੀਆਂ ਕਾਨੂੰਨ ਬਾਰੇ ਬੋਲਦੇ ਹੋਏ ਕਿਹਾ ਕਿ ਅੰਗਰੇਜ਼ ਹਕੂਮਤ ਨੇ ਵੀ ਇਸੇ ਕਾਨੂੰਨ ਤਹਿਤ ਦੇਸ਼ ਭਗਤਾਂ, ਆਜ਼ਾਦੀ ਦੇ ਪਰਵਾਨਿਆਂ ਅਤੇ ਕ੍ਰਾਂਤੀਕਾਰੀਆਂ ਨੂੰ ਜੇਲ•ੀਂ ਸੁੱਟਿਆ ਸੀ। ਆਜ਼ਾਦੀ ਤੋਂ ਬਾਅਦ ਗੱਦੀਆਂ 'ਤੇ ਬੈਠੇ ਕਾਲੇ ਅੰਗਰੇਜ਼ਾਂ ਨੇ ਵੀ ਟਾਡਾ, ਪੋਟਾ, ਸਪੈਸ਼ਲ ਆਰਮਡ ਫੋਰਸ ਐਕਟ ਅਤੇ ਹੁਣ ਗੈਰ ਕਾਨੂੰਨੀ ਗਤੀਵਿਧੀਆਂ ਕਾਨੂੰਨ ਬਣਾਏ ਅਤੇ ਲੋਕ ਨਾਇਕਾਂ 'ਤੇ ਲਾਗੂ ਕੀਤੇ ਹਨ। ਉਹਨਾਂ ਕਿਹਾ ਕਿ ਹਕੂਮਤ ਆਪਣੀਆਂ ਰਾਜਸੀ ਗਿਣਤੀਆਂ ਤਹਿਤ ਆਪਣੇ ਸ਼ਰੀਕਾਂ ਨੂੰ ਜੇਲ•ੀਂ ਤੁੰਨ ਦਿੰਦੀ ਹੈ ਜਿਵੇਂ ਐਮਰਜੈਂਸੀ ਵੇਲੇ ਹੋਇਆ। ਉਹਨਾਂ ਬਹੁਤ ਹੀ ਹਾਸੇ-ਠੱਠੇ ਵਾਲੇ ਅੰਦਾਜ਼ ਵਿੱਚ ਕਿਹਾ ਕਿ ਜੀਹਦੇ 'ਤੇ ਇੱਕ ਵਾਰੀ ਗੈਰ ਕਾਨੂੰਨੀ ਗਤੀਵਿਧੀਆਂ ਕਾਨੂੰਨ ਲੱਗ ਗਿਆ ਫੇਰ ਛੇ ਮਹੀਨੇ ਜੇਲ• ਬੰਦ ਕੋਈ ਜਮਾਨਤ ਨਹੀਂ। ਹਥਿਆਰ ਪਕੜਿਆ ਜਾਵੇ ਜਮਾਨਤ ਦੇ ਚਾਨਸ ਹਨ, ਇਸ ਕਾਨੂੰਨ ਤਹਿਤ ਨਹੀਂ। ਜੱਜ ਫਾਇਲ ਹੀ ਪਾਸੇ ਰੱਖ ਦਿੰਦੇ ਹਨ। ਉਹਨਾਂ ਕਿਹਾ ਹੁਣ ਇਸ ਦੀ ਵਰਤੋਂ ਐਨੀ ਆਮ ਹੋ ਗਈ ਹੈ ਕਿ ਇਸਦੀ ਦਹਿਸ਼ਤ ਹੀ ਘੱਟ ਗਈ ਹੈ। ਲੋਕ ਡਰਨਾ ਛੱਡ ਰਹੇ ਹਨ। ਇਹ 7/51 ਵਾਂਗੂੰ ਬਣਦਾ ਜਾ ਰਿਹਾ ਹੈ। ਉਸਨੇ ਰਾਜਸੀ ਕੈਦੀਆਂ ਦੀ ਰਿਹਾਈ ਲਈ ਲੋਕ ਲਹਿਰ ਖੜ•ੀ ਕਰਨ ਦਾ ਸੱਦਾ ਦਿੱਤਾ। ਆਰਥਿਕ ਮਾਹਿਰ ਨੰਦਤਾ ਨਰਾਇਣ ਸਾਬਕਾ ਪ੍ਰਧਾਨ ਟੀਚਰ ਐਸੋਸੀਏਸ਼ਨ ਦਿੱਲੀ ਨੇ ਬੋਲਦੇ ਹੋਏ ਕਿਹਾ ਮੈਂ ਪ੍ਰੋ. ਜੀ.ਐਨ. ਸਾਈਂਬਾਬਾ ਵਰਗਾ ਕਾਬਲ ਅਤੇ ਸਮਰਪਤ ਬੰਦਾ ਪੂਰੀ ਜ਼ਿੰਦਗੀ ਵਿੱਚ ਨਹੀਂ ਵੇਖਿਆ। ਉਹਨਾਂ ਕਿਹਾ ਕਿ ਵਿਕਾਸ ਦਾ ਜੋ ਮਾਡਲ ਚੱਲ ਰਿਹਾ ਹੈ। ਇਹ ਕਾਂਗਰਸ ਨੇ ਸ਼ੁਰੂ ਕੀਤਾ ਹੈ, ਸਭ ਸਰਕਾਰਾਂ ਲਾਗੂ ਕਰ ਰਹੀਆਂ ਹਨ। ਮੋਦੀ ਹਕੂਮਤ ਇਸ ਮਾਡਲ ਨੂੰ ਲਾਠੀ-ਗੋਲੀ ਦੇ ਜ਼ੋਰ ਲੋਕਾਂ ਸਿਰ ਮੜ• ਰਹੀ ਹੈ। ਵਿਰੋਧ ਲਹਿਰ ਨੂੰ ਕੁਚਲਣ ਲਈ ਕਾਨੂੰਨ ਬਣਦੇ ਹਨ ਅਤੇ ਰੌਸ਼ਨ ਦਿਮਾਗ ਲੋਕਾਂ ਨੂੰ ਜੇਲ• ਸੁੱਟਿਆ ਜਾ ਰਿਹਾ ਹੈ। ਉਹਨਾਂ ਰਾਜਸੀ ਕੈਦੀਆਂ ਦੇ ਮੁੱਦੇ ਨੂੰ ਚੱਲ ਰਹੇ ਵਿਕਾਸ ਮਾਡਲ ਦੇ ਪ੍ਰਸੰਗ ਵਿੱਚ ਰੱਖ ਕੇ ਵੇਖਣ ਅਤੇ ਇਸ ਮੌਕੇ 'ਤੇ ਪੀੜਤ ਸਭ ਲੋਕਾਂ ਨੂੰ ਨਾਲ ਲੈਣ ਦੀ ਗੱਲ ਆਖੀ।
ਪ੍ਰੋ. ਜਿਲਾਨੀ ਨੇ ਥੋੜ•ੇ ਸਮੇਂ ਵਿੱਚ ਸਮੇਟਵੇਂ ਸ਼ਬਦ ਬੋਲਦੇ ਹੋਏ ਕਿਹਾ ਕਿ ਸਾਨੂੰ ਸਭ ਨੂੰ ਆਪਣੇ ਅੰਦਰੋਂ ਡਰ ਕੱਢ ਕੇ ਮੈਦਾਨ ਵਿੱਚ ਆਉਣਾ ਚਾਹੀਦਾ ਹੈ। ਉਹਨਾਂ ਕਸ਼ਮੀਰੀ ਲੋਕਾਂ 'ਤੇ ਜ਼ੁਲਮਾਂ ਦੀ ਰੌਂਗਟੇ ਖੜ•ੇ ਕਰਨ ਵਾਲੀ ਗਾਥਾ ਸੁਣਾਈ। ਰਿਹਾਈ ਕਮੇਟੀ ਦੀ ਤਰਫੋਂ ਸ੍ਰੀ ਬਾਬੂ, ਰਜੀਵ ਤੇ ਹੇਮ ਮਿਸ਼ਰਾ ਦੇ ਬਾਪ ਕੇਸ਼ਵ ਦੱਤ ਮਿਸ਼ਰਾ, ਨਿਊ ਡੈਮੋਕਰੇਸੀ ਦੀ ਤਰਫੋਂ ਸ਼ਕਤੀ ਨਾਇਕ ਸੁਪਰੀਮ ਕੋਰਟ ਦੇ ਵਕੀਲ ਪ੍ਰਸ਼ਾਂਤ ਭੂਸ਼ਣ, ਲੋਕ ਸੰਗਰਾਮ ਮੰਚ ਪੰਜਾਬ (ਆਰ.ਡੀ.ਐਫ.) ਦੀ ਤਰਫੋਂ ਸੁਖਵਿੰਦਰ ਕੌਰ ਨੇ ਵੀ ਆਪਣੇ ਵਿਚਾਰ ਰੱਖੇ।
''ਪੀਪਲ ਆਰਟ ਫੋਰਮ'' ਚੰਡੀਗੜ• ਦੀ ਸੰਗੀਤ ਮੰਡਲੀ ਨੇ ਜਗਜੀਤ ਕੌਰ ਦੀ ਅਗਵਾਈ ਵਿੱਚ ਇਨਕਲਾਬੀ ਗੀਤ ਗਾ ਕੇ ਹਾਲ ਵਿੱਚ ਮਾਹੌਲ ਨੂੰ ਜੋਸ਼ੀਲਾ ਬਣਾਈ ਰੱਖਿਆ। ਲੋਕ ਸੰਗਰਾਮ ਮੰਚ ਦੇ ਜਨਰਲ ਸਕੱਤਰ ਬਲਵੰਤ ਮੱਖੂ ਨੇ ਆਪਣੀ ਸਾਈਂ ਹੋਰਾਂ ਬਾਰੇ ਲਿਖੀ ਕਵਿਤਾ ਪੜ• ਕੇ ਮਾਹੌਲ ਨੂੰ ਇਨਕਲਾਬੀ ਰੰਗ ਨਾਲ ਭਰਿਆ। ਪ੍ਰੋ. ਹਰਗੋਪਾਲ ਨੇ ਸਟੇਜ ਸੰਚਾਲਨ ਕਰਦਿਆਂ ਹਰ ਬੁਲਾਰੇ ਦੇ ਵਿਚਾਰਾਂ ਦਾ ਸਾਰ-ਤੱਤ ਥੋੜ•ੇ ਸ਼ਬਦਾਂ ਵਿੱਚ ਬਿਆਨ ਕਰਨ ਦੀ ਜੁੰਮੇਵਾਰੀ ਬਾਖੂਬੀ ਨਿਭਾਈ। ਉਹਨਾਂ ਨੇ ਇਸ ਪ੍ਰੋਗਰਾਮ ਵਿੱਚ ਪਹੁੰਚੇ ਲੋਕਾਂ ਦਾ ਰਿਹਾਈ ਕਮੇਟੀ ਦੀ ਤਰਫੋਂ ਧੰਨਵਾਦ ਕਰਦਿਆਂ ਇਸ ਮੁਹਿੰਮ ਨੂੰ ਪੂਰੇ ਦੇਸ਼ ਵਿੱਚ ਤੇਜ਼ ਕਰਨ ਦਾ ਸੱਦਾ ਦਿੱਤਾ।
੦-੦