ਫੌਜ ਮੁਖੀ ਜੀ, ਦੇਸ਼ ਅਤੇ ਪੰਜਾਬ ਦੀ ਅੰਦਰੂਨੀ ਸੁਰੱਖਿਆ ਨੂੰ ਖਤਰਾ ਆਰ.ਐਸ.ਐਸ. ਦੇ ਭਗਵੇਂ ਅੱਤਵਾਦ ਤੋਂ ਹੈ
-ਸਹਿਬਾਜ਼
ਤਿੰਨ ਨਵੰਬਰ 2018 ਨੂੰ ਦਿੱਲੀ ਵਿੱਚ ਸੀਨੀਅਰ ਫੌਜੀ ਅਧਿਕਾਰੀਆਂ, ਰੱਖਿਆ ਮਾਹਰਾਂ, ਸਾਬਕਾ ਸਰਕਾਰੀ ਅਧਿਕਾਰੀਆਂ ਅਤੇ ਪੁਲਸ ਅਧਿਕਾਰੀਆਂ ਉੱਤੇ ਆਧਾਰਤ ਇੱਕ ਸੈਮੀਨਾਰ ਆਯੋਜਿਤ ਕੀਤਾ ਗਿਆ। ਜਿਸਦਾ ਵਿਸ਼ਾ ਭਾਰਤ ਦੀ ਅੰਦਰੂਨੀ ਸੁਰੱਖਿਆ ਦੇ ਬਦਲਦੇ ਹਾਲਾਤ ਸੀ। ਇਸ ਸੈਮੀਨਾਰ ਨੂੰ ਸੰਬੋਧਨ ਕਰਦਿਆਂ, ਭਾਰਤੀ ਫੌਜ ਦੇ ਮੁਖੀ ਬਿਪਿਨ ਰਾਵਤ ਨੇ ਕਿਹਾ ਕਿ ''ਖੁਸ਼ਹਾਲ ਪੰਜਾਬ ਅਸ਼ਾਂਤ ਕਰਨ ਦੀਆਂ ਸਾਜਿਸ਼ਾਂ ਹੋ ਰਹੀਆਂ ਹਨ। ਪੰਜਾਬ ਵਿੱਚ ਸ਼ਾਂਤੀ ਰਹੀ ਹੈ ਪਰ ਕੁੱਝ ਬਾਹਰੀ ਤਾਕਤਾਂ ਇੱਕ ਵਾਰ ਫਿਰ ਸੂਬੇ ਅੰਦਰ ਅੱਤਵਾਦ ਨੂੰ ਪੁਨਰ-ਸੁਰਜੀਤ ਕਰਨਾ ਚਾਹੁੰਦੀਆਂ ਹਨ। ਇਸ ਲਈ, ਸਾਨੂੰ ਸਾਵਧਾਨ ਰਹਿਣਾ ਪਵੇਗਾ। ਪੰਜਾਬ ਵਿੱਚ ਜੋ ਕੁੱਝ ਵੀ ਵਾਪਰ ਰਿਹਾ ਹੈ, ਅਸੀਂ ਉਸ ਤੋਂ ਅੱਖਾਂ ਮੀਟ ਕੇ ਨਹੀਂ ਬਹਿ ਸਕਦੇ, ਜੇ ਅਸੀਂ ਤੁਰੰਤ ਕੋਈ ਕਾਰਵਾਈ ਨਾ ਕੀਤੀ ਤਾਂ ਬਹੁਤ ਦੇਰ ਹੋ ਜਾਵੇਗੀ।''
ਇਸ ਤੋਂ ਬਾਅਦ 12 ਨਵੰਬਰ 2018 ਨੂੰ ਪੰਜਾਬ ਦੀ ਪਠਾਨਕੋਟ ਛਾਉਣੀ ਵਿੱਚ ਹੋਏ ਇੱਕ ਸਮਾਗਮ ਤੋਂ ਬਾਅਦ ਪੱਤਰਕਾਰਾਂ ਨੂੰ ਸੰਬੋਧਨ ਕਰਦਿਆਂ, ਉਹਨਾਂ ਕਿਹਾ ਕਿ, ''ਪੰਜਾਬ ਵਿੱਚ ਅੱਤਵਾਦ ਜ਼ਿਆਦਾ ਖਤਰਾ ਨਹੀਂ, ਸਾਵਧਾਨ ਰਹਿਣ ਦੀ ਜ਼ਰੂਰਤ ਹੈ। ਬਿਹਤਰ ਹੈ ਕਿ ਅੱਤਵਾਦ ਦੇ ਖਤਰੇ ਤੋਂ ਪਹਿਲਾਂ ਹੀ ਚੌਕਸ ਰਿਹਾ ਜਾਵੇ।'' ਬਾਹਰਲੇ ਦੇਸ਼ਾਂ ਵਿੱਚ ਵੱਖਵਾਦੀ ਅਤੇ ਖਾਲਿਸਤਾਨੀ ਸਮਰਥਕ ਤਾਕਤਾਂ ਵੱਲੋਂ ਸ਼ੁਰੂ ਕੀਤੀ ਗਈ ਰੈਫਰੈਂਡਮ 2020 ਮੁਹਿੰਮ ਦਾ ਹਵਾਲਾ ਦਿੰਦੇ ਹੋਏ ਜਨਰਲ ਰਾਵਤ ਨੇ ਕਿਹਾ ਕਿ, ''ਕੇਂਦਰ ਅਤੇ ਰਾਜ ਸਰਕਾਰ ਇਸ ਮੁਹਿੰਮ ਪ੍ਰਤੀ ਪੂਰੀ ਤਰ੍ਹਾਂ ਜਾਣੂ ਹਨ ਅਤੇ ਉਚਿਤ ਕਾਰਵਾਈ ਕਰ ਰਹੀਆਂ ਹਨ। ਉਹਨਾਂ ਕਿਹਾ ਕਿ ਕੇਂਦਰ ਸਰਕਾਰ ਪੂਰਨ ਕਾਰਵਾਈ ਕਰੇਗੀ। ਫੌਜ ਵੀ ਪੂਰੀ ਤਰ੍ਹਾਂ ਜਾਣੂੰ ਹੈ ਅਤੇ ਉਚਿਤ ਕਾਰਵਾਈ ਕਰ ਰਹੀ ਹੈ। ਉਹਨਾਂ ਦਾਅਵਾ ਕੀਤਾ ਕਿ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਇਸ ਬਾਰੇ, ਖਾਸ ਤੌਰ 'ਤੇ ਚਿੰਤਤ ਹਨ ਅਤੇ ਉਹ ਇਹ ਨਿਸ਼ਚਿਤ ਕਰਨ ਲਈ ਸਿੱਧੀ ਕਾਰਵਾਈ ਕਰ ਰਹੇ ਹਨ ਕਿ ਪੰਜਾਬ ਵਿੱਚ ਹਿੰਸਾ ਨਾ ਫੈਲੇ। ਉਹਨਾਂ ਕਿਹਾ ਕਿ ਪੰਜਾਬ ਦੇ ਲੋਕਾਂ ਨੂੰ ਇਹ ਨਿਰਣਾ ਕਰਨਾ ਪਵੇਗਾ ਕਿ ਸੂਬੇ ਵਿੱਚ ਹਿੰਸਾ ਨਾ ਹੋਵੇ। ਜੇ ਬਾਹਰੀ ਤਾਕਤਾਂ ਵਿਦਰੋਹ ਫੈਲਾਉਣ ਦੀ ਕੋਸ਼ਿਸ਼ ਕਰ ਰਹੀਆਂ ਹਨ, ਉਹ ਖਤਮ ਕਰਨਾ ਹੋਵੇਗਾ।''
ਫੌਜ ਮੁਖੀ ਦਾ ਉਪਰੋਕਤ ਬਿਆਨ ਬਹੁਤ ਸਾਰੇ ਸੁਆਲ ਖੜ੍ਹੇ ਕਰਦਾ ਹੈ। ਪਹਿਲਾ ਅਤੇ ਮੁੱਖ ਸੁਆਲ ਇਹ ਹੈ ਕਿ ਭਾਰਤੀ ਹਾਕਮ ਹੁਣ ਤੱਕ ਇਹ ਪ੍ਰਚਾਰਦੇ ਆ ਰਹੇ ਹਨ ਕਿ ਫੌਜ ਸਰਹੱਦਾਂ ਦੀ ਰਾਖੀ ਲਈ ਹੈ। ਦੇਸ਼ ਦੀ ਅੰਦਰੂਨੀ ਸੁਰੱਖਿਆ ਅਤੇ ਅਮਨ-ਕਾਨੂੰਨ ਨੂੰ ਕੰਟਰੋਲ ਕਰਨ ਲਈ ਪੁਲਸ, ਨੀਮ-ਫੌਜੀ ਬਲ ਹਨ ਵੱਖ ਵੱਖ ਸੂਬਿਆਂ ਦੀਆਂ ਸਰਕਾਰਾਂ ਅਤੇ ਕੇਂਦਰ ਸਰਕਾਰ ਹੈ। ਜੇਕਰ ਦੇਸ਼ ਦੀ ਅੰਦਰੂਨੀ ਸੁਰੱਖਿਆ ਨੂੰ ਕੋਈ ਖਤਰਾ ਪੈਦਾ ਹੋ ਰਿਹਾ ਹੈ ਤਾਂ ਸਭ ਤੋਂ ਪਹਿਲਾ ਸਰੋਕਾਰ ਸੁਬਿਆਂ ਦੀਆਂ ਸਰਕਾਰਾਂ, ਇੰਟੈਲੀਜੈਂਸੀ ਏਜੰਸੀਆਂ ਅਤੇ ਪੁਲਸ ਮੁਖੀ ਦਾ ਹੈ।
ਫੌਜ ਮੁਖੀ ਦਾ ਇਹ ਬਿਆਨ ਜਦੋਂ ਸਾਹਮਣੇ ਆਇਆ, ਉਸ ਸਮੇਂ ਤੱਕ ਨਾ ਪੰਜਾਬ ਪੁਲਸ ਦੇ ਮੁਖੀ ਨੇ ਕੋਈ ਜੁਬਾਨ ਖੋਲ੍ਹੀ ਸੀ ਅਤੇ ਨਾ ਹੀ ਸੂਬੇ ਦੇ ਮੁੱਖ ਮੰਤਰੀ ਨੇ। ਹਾਂ- ਉਸ ਤੋਂ ਬਾਅਦ ਪੰਜਾਬ ਪੁਲਸ ਦੇ ਮੁਖੀ ਅਤੇ ਮੁੱਖ ਮੰਤਰੀ ਨੇ ਬਿਆਨ ਜ਼ਰੂਰ ਦਿੱਤੇ ਹਨ।
ਪੰਜਾਬ ਪੁਲਸ ਵੱਲੋਂ ਤਾਂ ਇਹਨਾਂ ਦਿਨਾਂ ਅੰਦਰ ਹਾਈ ਅਲਰਟ ਜਾਰੀ ਕੀਤਾ ਹੋਇਆ ਹੈ। ਪੰਜਾਬ ਦੇ ਬਠਿੰਡਾ ਅਤੇ ਫਿਰੋਜ਼ਪੁਰ ਜ਼ਿਲ੍ਹਿਆਂ ਵਿੱਚ ਅਚਨਚੇਤ ਛਾਪਿਆਂ ਅਤੇ ਤਲਾਸ਼ੀ ਮੁਹਿੰਮਾਂ ਦਾ ਦੌਰ ਜਾਰੀ ਹੈ। ਪੰਜਾਬ ਪੁਲਸ ਵੱਲੋਂ ਇਹ ਉਭਾਰਿਆ ਜਾ ਰਿਹਾ ਹੈ ਕਿ ਕਸ਼ਮੀਰੀ ਖਾੜਕੂ ਜ਼ਾਕਿਰ ਮੂਸਾ ਪੰਜਾਬ ਦੇ ਇਹਨਾਂ ਸਰਹੱਦੀ ਜ਼ਿਲ੍ਹਿਆਂ ਵਿੱਚ ਪੱਗੜੀ ਪਹਿਨ ਕੇ ਘੁੰਮ ਰਿਹਾ ਹੈ। ਇਹ ਵੀ ਦਾਅਵਾ ਕੀਤਾ ਗਿਆ ਕਿ ਉਸ ਨੂੰ ਬਠਿੰਡਾ ਰੇਲਵੇ ਸਟੇਸ਼ਨ ਉੱਤੇ ਦੇਖਿਆ ਗਿਆ। ਪੰਜਾਬ ਪੁਲਸ ਇਹ ਵੀ ਦਾਅਵਾ ਕਰ ਰਹੀ ਹੈ ਕਿ ਪੰਜਾਬ ਅੰਦਰ ਉਹ ਪੜ੍ਹਦਾ ਰਿਹਾ ਹੈ। ਜਿਸ ਕਰਕੇ ਉਸ ਵੱਲੋਂ ਪੰਜਾਬ ਅੰਦਰ ਸੰਪਰਕ ਵਿਕਸਤ ਕੀਤੇ ਹੋਏ ਹਨ।
ਪੰਜਾਬ ਦੀਆਂ ਵਿਦਿਅਕ ਸੰਸਥਾਵਾਂ ਅੰਦਰ ਵੀ ਕਸ਼ਮੀਰੀ ਵਿਦਿਆਰਥੀਆਂ ਦਾ ਸ਼ਿਕਾਰ ਪਿੱਛਾ ਕੀਤਾ ਜਾ ਰਿਹਾ ਹੈ। ਜਲੰਧਰ ਦੇ ਮਕਸੂਦਾ ਥਾਣੇ ਦੇ ਅੰਦਰ ਹੋਏ (ਜਾਂ ਕੀਤੇ) ਬੰਬ ਵਿਸਫੋਟ ਨੂੰ ਵੀ ਕਸ਼ਮੀਰੀ ਖਾੜਕੂਆਂ ਨਾਲ ਜੋੜਿਆ ਜਾ ਰਿਹਾ ਹੈ। ਜ਼ਾਕਿਰ ਮੂਸਾ ਦੀ ਭਾਲ ਦਿੱਲੀ ਅਤੇ ਯੂ.ਪੀ. ਵਿੱਚ ਵੀ ਕੀਤੀ ਜਾ ਰਹੀ ਹੈ।
ਪੰਜਾਬ ਦੇ ਸ਼ਹਿਰ ਅੰਮ੍ਰਿਤਸਰ ਨੇੜੇ ਰਾਜਾਸਾਂਸੀ ਕੋਲੇ ਇੱਕ ਨਿਰੰਕਾਰੀ ਭਵਨ ਅੰਦਰ ਦਾਖਲ ਹੋ ਕੇ ਮਾਰੀਆਂ ਗੋਲੀਆਂ ਨੂੰ ਪਾਕਿਸਤਾਨੀ ਖੁਫੀਆ ਏਜੰਸੀ (ਆਈ.ਐਸ.ਆਈ.) ਨਾਲ ਜੋੜ ਕੇ ਪੇਸ਼ ਕੀਤਾ ਜਾ ਰਿਹਾ ਹੈ। ਇਹ ਕਿਹਾ ਜਾ ਰਿਹਾ ਹੈ ਕਿ ਇਹ ਏਜੰਸੀ ਖਾਲਿਸਤਾਨੀਆਂ ਨੂੰ ਅਜਿਹਾ ਘਟਨਾਕਰਮ ਕਰਨ ਲਈ ਉਕਸਾਅ ਰਹੀ ਹੈ। ਜਦੋਂ ਕਿ ਜਿਹਨਾਂ ਵਿਅਕਤੀਆਂ ਨੂੰ ਇਸ ਘਟਨਾ ਵਿੱਚ ਫੜਿਆ ਗਿਆ, ਉਹ ਉਸ ਸਮੇਂ ਆਪਣੇ ਘਰ ਵਿੱਚ ਸਨ, ਜਿਸ ਦੇ ਸੀ.ਸੀ.ਟੀ.ਵੀ. ਫੁੱਟੇਜ ਵੀ ਅਦਾਲਤ ਨੂੰ ਮੁਹੱਈਆ ਕਰਵਾਏ ਗਏ ਹਨ। ਘਟਨਾ ਸਮੇਂ ਮੋਨੇ ਵਿਅਕਤੀਆਂ ਦੀ ਗੱਲ ਨਸ਼ਰ ਹੋਈ ਸੀ। ਫੜੇ ਗਏ ਵਿਅਕਤੀ ਕੇਸਾਧਾਰੀ ਹਨ। ਜਿਸ ਤੋਂ ਸ਼ੱਕ ਪ੍ਰਗਟ ਹੁੰਦਾ ਹੈ ਕਿ ਪੰਜਾਬ ਪੁਲਸ ਕਸ਼ਮੀਰੀ ਖਾੜਕੂਆਂ ਦੇ ਪੰਜਾਬ ਅੰਦਰ ਘੁੰਮਣ ਅਤੇ ਨਿਰੰਕਾਰੀ ਭਵਨ ਉੱਤੇ ਹਮਲੇ ਦੀ ਝੂਠੀਆਂ ਕਹਾਣੀਆਂ ਘੜਨ ਉੱਤੇ ਲੱਗੀ ਹੋਈ ਹੈ। ਲੋਕ ਚੰਗੀ ਤਰ੍ਹਾਂ ਜਾਣਦੇ ਹਨ ਕਿ ਨਿਰੰਕਾਰੀਆਂ ਤੇ ਖਾਲਿਸਤਾਨੀਆਂ ਦਾ ਹੁਣ ਕੋਈ ਟਕਰਾਅ ਨਹੀਂ ਚੱਲ ਰਿਹਾ। ਜਿਸ ਕਰਕੇ ਨਿਰੰਕਾਰੀ ਭਵਨ ਉੱਤੇ ਹਮਲਾ ਕਰਨਾ ਖਾਲਿਸਤਾਨੀਆਂ ਦੀ ਲੋੜ ਬਣ ਗਈ ਹੋਵੇ। ਇਸ ਤਰ੍ਹਾਂ ਹੀ ਕਸ਼ਮੀਰੀ ਖਾੜਕੂਆਂ ਦੀ ਮਕਸੂਦਾਂ ਥਾਣੇ ਜਾਂ ਪੰਜਾਬ ਅੰਦਰ ਕਿਤੇ ਹਮਲਾ ਕਰਨਾ ਕੋਈ ਲੋੜ ਹੋਵੇ।
ਜੇਕਰ ਫੌਜ ਮੁਖੀ ਵੱਲੋਂ ਉਭਾਰੇ ਰੈਫਰੈਂਡਮ 2020 ਨੂੰ ਦੇਖਿਆ ਜਾਵੇ ਤਾਂ ਪੰਜਾਬ ਅੰਦਰ ਇਹ ਕੋਈ ਮੁੱਦਾ ਨਹੀਂ। ਹਾਂ- ਸੋਸ਼ਲ ਮੀਡੀਏ ਉਪਰ ਜ਼ਰੂਰ ਕੁੱਝ ਖਾਲਿਸਤਾਨੀ ਆਗੂਆਂ ਵੱਲੋਂ ਇਸ ਮੁੱਦੇ ਨੂੰ ਉਭਾਰਿਆ ਜਾ ਰਿਹਾ ਹੈ। ਪੰਜਾਬ ਅੰਦਰ ਅਲੱਗ ਅਲੱਗ ਖਾਲਿਸਤਾਨ ਪੱਖੀ ਹਿੱਸਿਆਂ ਵਿੱਚ ਕੋਈ ਇੱਕਜੁੱਟਤਾ ਨਹੀਂ, ਆਪਸੀ ਵਿਸ਼ਵਾਸ਼ ਨਹੀਂ, ਸਰਬ-ਪ੍ਰਵਾਨਤ ਕੋਈ ਲੀਡਰਸ਼ਿੱਪ ਨਹੀਂ। ਕੁੱਝ ਹਿੱਸੇ ਤਾਂ ਮੁੜ ਸੋਚ ਵਿਚਾਰ ਦੇ ਅਮਲ ਵਿੱਚ ਹਨ। ਪੰਜਾਬ ਦੇ ਲੋਕ ਵੀ ਖਾਲਿਸਤਾਨੀ ਧਿਰਾਂ ਦੇ ਬੇਨਕਸ਼ ਪ੍ਰੋਗਰਾਮ ਦਾ ਜੋ ਲਾਗੂ ਰੂਪ ਹੰਢਾਅ ਚੁੱਕੇ ਹਨ। ਉਹ ਮੁੜ ਦੁਹਰਾਉਣ ਲਈ ਤਿਆਰ ਨਹਂੀਂ। ਹਾਂ, ਇਹ ਜ਼ਰੂਰ ਹੈ ਕਿ ਆਰ.ਐਸ.ਐਸ. ਦੀ ਅਗਵਾਈ ਹੇਠਲੀ ਹਿੰਦੂ ਫਾਸ਼ੀਵਾਦੀ ਮੋਦੀ ਹਕੂਮਤ ਹਿੰਦੂ ਰਾਸ਼ਟਰ ਦੇ ਨਿਰਮਾਣ ਲਈ ਕੌਮੀਅਤਾਂ ਅਤੇ ਧਾਰਮਿਕ ਘੱਟ ਗਿਣਤੀਆਂ ਪ੍ਰਤੀ ਜੋ ਨੀਤੀ ਅਤੇ ਅਮਲ ਲੈ ਕੇ ਆ ਰਹੀ ਹੈ, ਉਹ ਲਾਜ਼ਮੀ ਖਾਲਿਸਤਾਨ, ਕ੍ਰਿਸ਼ਚੀਅਨਸਥਾਨ, ਦਲਿਤਸਥਾਨਾਂ ਵਰਗੀਆਂ ਮੰਗਾਂ ਦੇ ਉਭਰਨ ਦਾ ਆਧਾਰ ਮੁਹੱਈਆ ਕਰੇਗਾ।
ਉਹ ਧਰਮ ਦੇ ਆਧਾਰਤ ਹਿੰਦੂ ਕੌਮ ਪ੍ਰਭਾਸ਼ਤ ਕਰਦੇ ਹੋਣ ਕਾਰਨ ਹਿੰਦੋਸਤਾਨ ਨੂੰ ਬਹੁਕੌਮੀ ਮੁਲਕ ਮੰਨਣ ਲਈ ਤਿਆਰ ਨਹੀਂ। ਉਹ ਅੱਡ ਅੱਡ ਕੌਮਾਂ ਨੂੰ ਆਪਾ-ਨਿਰਣੇ ਦਾ ਹੱਕ ਦੇਣ ਲਈ ਤਿਆਰ ਨਹੀਂ। ਹੱਕ ਮੰਗਣਾ ਅਤੇ ਉਸਦੇ ਲਈ ਲੜਨਾ ਇਨ੍ਹਾਂ ਲਈ ਦੇਸ਼ ਧਰੋਹ ਹੈ, ਅੱਤਵਾਦ ਹੈ।
ਉਹ ਹਿੰਦੋਸਤਾਨ ਨੂੰ ਬਹੁ-ਧਰਮੀ ਮੁਲਕ ਮੰਨਣ ਲਈ ਤਿਆਰ ਨਹੀਂ। ਉਹ ਦੂਜੇ ਧਰਮਾਂ ਨੂੰ ਬਰਾਬਰਤਾ ਦੇਣ ਲਈ ਤਿਆਰ ਨਹੀਂ। ਮੁਸਲਮਾਨ, ਇਸਾਈ ਧਰਮਾਂ ਨੂੰ ਤਾਂ ਉਹ ਬਾਹਰੀ ਧਰਮ ਮੰਨਦੇ ਹੀ ਹਨ। ਸਿੱਖ ਅਤੇ ਆਦਿਵਾਸੀ ਧਰਮਾਂ ਨੂੰ ਉਹ ਹਿੰਦੂ ਧਰਮ ਦਾ ਹਿੱਸਾ ਮੰਨਦੇ ਹਨ। ਉਹਨਾਂ ਦੀ ਵੱਖਰੀ ਹੋਂਦ, ਹਸਤੀ, ਇਤਿਹਾਸ ਨੂੰ ਮੰਨਣ ਲਈ ਤਿਆਰ ਨਹੀਂ। ਜਿਸ ਕਰਕੇ ਹਿੰਦੂ ਰਾਸ਼ਟਰ ਦੇ ਨਿਰਮਾਣ ਲਈ ਉਹ ਮੁਸਲਮਾਨਾਂ ਅਤੇ ਈਸਾਈਆਂ ਉੱਤੇ ਸਿੱਧੇ ਹਮਲੇ ਕਰਦੇ ਹਨ। ਸਿੱਖ ਅਤੇ ਆਦਿਵਾਸੀ ਧਰਮਾਂ ਨੂੰ ਖਤਮ ਕਰਨ ਲਈ ਉਹ ਇਹਨਾਂ ਅੰਦਰ ਘੁਸਪੈਂਠ ਕਰਕੇ ਅਜਿਹੀਆਂ ਤਾਕਤਾਂ ਵਿਕਸਤ ਕਰਨ ਉੱਤੇ ਲੱਗੇ ਹੋਏ ਹਨ, ਜੋ ਸਿੱਖ ਅਤੇ ਆਦਿਵਾਸੀ ਬਾਣਾ ਪਹਿਨ ਕੇ ਇਹਨਾਂ ਧਰਮਾਂ ਦੀ ਆਰ.ਐਸ.ਐਸ. ਵਾਲੀ ਵਿਆਖਿਆ ਕਰੇ, ਹਿੰਦੂ ਰਾਸ਼ਟਰ ਦੇ ਨਿਰਮਾਣ ਲਈ ਉਸਦੇ ਪੱਖ ਵਿੱਚ ਖੜ੍ਹੇ। ਸਿੱਖ ਅਤੇ ਆਦਿਵਾਸੀ ਧਰਮਾਂ ਦੇ ਜਿਹੜੇ ਹਿੱਸੇ ਆਰ.ਐਸ.ਐਸ. ਦੇ ਇਸ ਨੀਤੀ-ਪੈਂਤੜੇ ਦਾ ਵਿਰੋਧ ਕਰਦੇ ਹਨ। ਉਹ ਉਹਨਾਂ ਲਈ ਰਾਸ਼ਟਰ ਵਿਰੋਧੀ ਹਨ, ਦੇਸ਼ ਵਿਰੋਧੀ ਹਨ, ਅੱਤਵਾਦੀ ਹਨ। ਖਾਲਿਸਤਾਨੀ ਹਿੱਸੇ ਸਿੱਖਾਂ ਨਾਲ ਧਾਰਮਿਕ ਵਿਤਕਰੇ ਤੇ ਧੱਕੇ ਦੀ ਗੱਲ ਠੀਕ ਨੋਟ ਕਰਦੇ ਹਨ। ਇਸਦੇ ਖਾਤਮੇ ਲਈ ਧਾਰਮਿਕ ਬਰਾਬਰਤਾ ਦੀ ਗੱਲ ਉਭਾਰਨ ਤੇ ਹੋਰ ਧਾਰਮਿਕ ਘੱਟ ਗਿਣਤੀਆਂ ਨੂੰ ਆਪਣੇ ਨਾਲ ਲੈਣ ਦੀ ਥਾਂ ਸਿੱਖ ਧਰਮ ਦੇ ਆਧਾਰ 'ਤੇ ਵੱਖਰੀ ਸਟੇਟ ਦਾ ਸੰਕਲਪ ਉਭਾਰਦੇ ਹਨ। ਜਿਹੜਾ ਸਿੱਖ ਧਰਮ ਨਾਲ ਵਿਤਕਰੇਬਾਜ਼ੀ ਤੇ ਧੱਕੇ ਦੇ ਪ੍ਰਤੀਕਰਮ ਵਿੱਚੋਂ ਪੈਦਾ ਹੋਇਆ ਹੈ। ਜਿਹੜਾ ਆਰ.ਐਸ.ਐਸ. ਦੀ ਉਲਟੀ ਨਕਲ ਵਿੱਚੋਂ ਪੈਦਾ ਹੋਇਆ ਹੈ। ਜਿਸਦਾ ਸਿੱਖ ਗੁਰੂਆਂ ਵੱਲੋਂ ਕਲਪੇ ਖਾਲਸਾ ਰਾਜ ਨਾਲ ਕੋਈ ਮੇਲ ਨਹੀਂ। ਜਿਹੜਾ ਉਹਨਾਂ ਨੂੰ ਖੁਦ ਨਿਖੇੜੇ ਦੀ ਹਾਲਤ ਵਿੱਚ ਸੁੱਟਦਾ ਹੈ।
ਸੋ ਭਾਰਤੀ ਫੌਜ ਦੇ ਮੁਖੀ ਵੱਲੋਂ ਦਿੱਤਾ ਉਪਰੋਕਤ ਬਿਆਨ ਅਤੇ ਪੰਜਾਬ ਪੁਲਸ ਤੇ ਪੰਜਾਬ ਸਰਕਾਰ ਵੱਲੋਂ ਸ਼ੁਰੂ ਕੀਤੀ ਮੁਹਿੰਮ ਕਸ਼ਮੀਰੀ ਖਾੜਕੂਆਂ ਅਤੇ ਖਾਲਿਸਤਾਨੀਆਂ ਦਾ ਨਕਲੀ ਹਊਆ ਖੜ੍ਹਾ ਕਰਕੇ ਲੋਕਾਂ ਅੰਦਰ ਦਹਿਸ਼ਤ ਤੇ ਅਸੁਰੱਖਿਆ ਦਾ ਮਾਹੌਲ ਸਿਰਜਣ ਦੀ ਇੱਕ ਚਾਲ ਹੈ।
ਫੌਜ ਮੁਖੀ ਆਰ.ਐਸ.ਐਸ. ਦਾ ਸ਼ਾਤਰ ਨੁਮਾਇੰਦਾ ਹੈ। ਮੋਦੀ ਹਕੂਮਤ ਵੱਲੋਂ ਉਸ ਦੇ ਪਟੇ ਖੋਲ੍ਹ ਦਿੱਤੇ ਗਏ ਹਨ। ਮੋਦੀ ਹਕੂਮਤ ਹਿੰਦੂ ਰਾਸ਼ਟਰ ਦੇ ਨਿਰਮਾਣ ਲਈ ਫੌਜ ਅੰਦਰ ਧਰੁਵੀਕਰਨ ਦੇ ਰਾਹ ਪਈ ਹੋਈ ਹੈ। ਪਿਛਲੇ ਦਿਨੀਂ ਚੰਡੀਗੜ੍ਹ ਵਿੱਚ ਹੋਏ ਆਰਮੀ ਲਿਟਰੇਰੀ ਫੈਸਟੀਵਲ ਵਿੱਚ ਫੌਜੀ ਅਫਸਰਾਂ ਦੇ ਫੌਜ ਮੁਖੀ ਦੇ ਉਲਟ ਪ੍ਰਤੀਕਰਮ ਸਾਹਮਣੇ ਆ ਚੁੱਕੇ ਹਨ। ਫੌਜ ਮੁਖੀ ਦਾ ਉਪਰੋਕਤ ਬਿਆਨ ਇਹ ਸਾਫ ਕਰਦਾ ਹੈ ਕਿ ਮੋਦੀ ਹਕੂਮਤ ਦਾ ਸਟੇਟ ਪੁਲਸ ਫੋਰਸਾਂ, ਨੀਮ ਫੌਜੀ ਬਲਾਂ, ਸੂਬਾ ਸਰਕਾਰ ਉੱਤੇ ਵਿਸ਼ਵਾਸ਼ ਘੱਟ ਰਿਹਾ ਹੈ। ਫੌਜ ਅਤੇ ਇਸਦੇ ਮੁਖੀ ਉੱਤੇ ਟੇਕ ਵਧ ਰਹੀ ਹੈ। ਫੌਜ ਮੁਖੀ, ਕੇਂਦਰੀ ਗ੍ਰਹਿ ਮੰਤਰੀ ਤੇ ਸੂਬੇ ਦੇ ਗ੍ਰਹਿ ਮੰਤਰੀ ਵਾਲਾ ਰੋਲ ਸਾਂਭ ਰਿਹਾ ਹੈ। ਇਸ ਕਰਕੇ ਫੌਜ ਮੁਖੀ ਦੇਸ਼ ਦੀਆਂ ਅੰਦਰੂਨੀ ਸਮੱਸਿਆਵਾਂ ਉੱਤੇ ਸਿੱਧੇ ਬਿਆਨ ਦੇਣ ਲਈ ਅੱਗੇ ਆ ਰਿਹਾ ਹੈ। ਉਹ ਇੱਥੋਂ ਤੱਕ ਦਾਅਵਾ ਕਰ ਰਿਹਾ ਹੈ ਕਿ ''ਕੈਪਟਨ ਅਮਰਿੰਦਰ ਸਿੰਘ ਬਹੁਤ ਚਿੰਤਤ ਹਨ। ਉਹ ਸਿੱਧੀ ਕਾਰਵਾਈ ਕਰ ਰਹੇ ਹਨ'' ''ਫੌਜ ਕਾਰਵਾਈ ਲਈ ਪੂਰੀ ਤਰ੍ਹਾਂ ਤਿਆਰ ਹੈ''
ਜੋ ਮੁੱਦੇ ਫੌਜ ਮੁਖੀ, ਪੰਜਾਬ ਪੁਲਸ ਅਤੇ ਕੈਪਟਨ ਅਮਰਿੰਦਰ ਸਿੰਘ ਉਭਾਰ ਰਹੇ ਹਨ। ਇਹ ਕੋਈ ਦੇਸ਼ ਦੀ ਅੰਦਰੂਨੀ ਸੁਰੱਖਿਆ ਨੂੰ ਖਤਰਾ ਨਹੀਂ। ਖਤਰਾ ਮੋਦੀ ਹਕੂਮਤ ਹੈ। ਜਿਸ ਨੂੰ ਪੰਦਰਵੀਂ ਲੋਕ ਸਭਾ ਚੋਣਾਂ ਵਿੱਚ ਹਾਰਨ ਦਾ ਧੁੜਕੂ ਲੱਗਿਆ ਹੋਇਆ ਹੈ। ਜਿਸ ਕਰਕੇ ਉਹ ਦੇਸ਼ ਦੀ ਅੰਦਰੂਨੀ ਸੁਰੱਖਿਆ ਨੂੰ ਖਤਰਾ ਦੱਸ ਕੇ ਕੋਈ ਵੱਡਾ ਡਰਾਮਾ ਵੀ ਕਰ ਸਕਦੀ ਹੈ, ਜਿਸ ਕਰਕੇ ਫੌਜ ਮੁਖੀ ਨੂੰ ਅੱਗੇ ਲਿਆਂਦਾ ਜਾ ਰਿਹਾ ਹੈ। ਫੌਜ ਮੁਖੀ ਬਿਪਿਨ ਰਾਵਤ ਤੇ ਮੋਦੀ ਹਕੂਮਤ ਦਾ ਸੁਰੱਖਿਆ ਸਲਾਹਕਾਰ ਅਜੀਤ ਡੋਵਾਲ ਉਤਰਾਖੰਡ ਦੇ ਰਹਿਣ ਵਾਲੇ ਆਰ.ਐਸ.ਐਸ. ਦੇ ਨੁਮਾਇੰਦੇ ਹਨ। ਇਸ ਕਰਕੇ ਫੌਜ ਮੁਖੀ ਦੇ ਬਿਆਨ ਨੂੰ ਗੰਭੀਰਤਾ ਨਾਲ ਲੈਣ ਦੀ ਜ਼ਰੂਰਤ ਹੈ। ਲੋਕ ਸਭਾਈ ਚੋਣਾਂ ਤੋਂ ਪਹਿਲਾਂ ਤੇ ਦੌਰਾਨ ਵਾਪਰਨ ਵਾਲੀਆਂ ਘਟਨਾਵਾਂ ਫੌਜ ਮੁਖੀ ਦੇ ਬਿਆਨ ਦੀ ਰੌਸ਼ਨੀ ਵਿੱਚ ਘੋਖਣ ਦੀ ਜ਼ਰੂਰਤ ਹੈ। ਇਸ ਕਰਕੇ ਪੰਜਾਬ ਜਾਂ ਦੇਸ਼ ਦੀ ਅੰਦਰੂਨੀ ਸੁਰੱਖਿਆ ਨੂੰ ਖਤਰਾ ਕਿਸੇ ਅਖੌਤੀ ਅੱਤਵਾਦੀ ਤੋਂ ਨਹੀਂ ਸਗੋਂ ਆਰ.ਐਸ.ਐਸ. ਦੇ ਭਗਵੇਂ ਅੱਤਵਾਦ ਤੋਂ ਹੈ, ਜਿਸ ਵਿਰੁੱਧ ਸਾਂਝੀ ਲੜਾਈ ਲੜਨ ਦੀ ਜ਼ਰੂਰਤ ਹੈ
-ਸਹਿਬਾਜ਼
ਤਿੰਨ ਨਵੰਬਰ 2018 ਨੂੰ ਦਿੱਲੀ ਵਿੱਚ ਸੀਨੀਅਰ ਫੌਜੀ ਅਧਿਕਾਰੀਆਂ, ਰੱਖਿਆ ਮਾਹਰਾਂ, ਸਾਬਕਾ ਸਰਕਾਰੀ ਅਧਿਕਾਰੀਆਂ ਅਤੇ ਪੁਲਸ ਅਧਿਕਾਰੀਆਂ ਉੱਤੇ ਆਧਾਰਤ ਇੱਕ ਸੈਮੀਨਾਰ ਆਯੋਜਿਤ ਕੀਤਾ ਗਿਆ। ਜਿਸਦਾ ਵਿਸ਼ਾ ਭਾਰਤ ਦੀ ਅੰਦਰੂਨੀ ਸੁਰੱਖਿਆ ਦੇ ਬਦਲਦੇ ਹਾਲਾਤ ਸੀ। ਇਸ ਸੈਮੀਨਾਰ ਨੂੰ ਸੰਬੋਧਨ ਕਰਦਿਆਂ, ਭਾਰਤੀ ਫੌਜ ਦੇ ਮੁਖੀ ਬਿਪਿਨ ਰਾਵਤ ਨੇ ਕਿਹਾ ਕਿ ''ਖੁਸ਼ਹਾਲ ਪੰਜਾਬ ਅਸ਼ਾਂਤ ਕਰਨ ਦੀਆਂ ਸਾਜਿਸ਼ਾਂ ਹੋ ਰਹੀਆਂ ਹਨ। ਪੰਜਾਬ ਵਿੱਚ ਸ਼ਾਂਤੀ ਰਹੀ ਹੈ ਪਰ ਕੁੱਝ ਬਾਹਰੀ ਤਾਕਤਾਂ ਇੱਕ ਵਾਰ ਫਿਰ ਸੂਬੇ ਅੰਦਰ ਅੱਤਵਾਦ ਨੂੰ ਪੁਨਰ-ਸੁਰਜੀਤ ਕਰਨਾ ਚਾਹੁੰਦੀਆਂ ਹਨ। ਇਸ ਲਈ, ਸਾਨੂੰ ਸਾਵਧਾਨ ਰਹਿਣਾ ਪਵੇਗਾ। ਪੰਜਾਬ ਵਿੱਚ ਜੋ ਕੁੱਝ ਵੀ ਵਾਪਰ ਰਿਹਾ ਹੈ, ਅਸੀਂ ਉਸ ਤੋਂ ਅੱਖਾਂ ਮੀਟ ਕੇ ਨਹੀਂ ਬਹਿ ਸਕਦੇ, ਜੇ ਅਸੀਂ ਤੁਰੰਤ ਕੋਈ ਕਾਰਵਾਈ ਨਾ ਕੀਤੀ ਤਾਂ ਬਹੁਤ ਦੇਰ ਹੋ ਜਾਵੇਗੀ।''
ਇਸ ਤੋਂ ਬਾਅਦ 12 ਨਵੰਬਰ 2018 ਨੂੰ ਪੰਜਾਬ ਦੀ ਪਠਾਨਕੋਟ ਛਾਉਣੀ ਵਿੱਚ ਹੋਏ ਇੱਕ ਸਮਾਗਮ ਤੋਂ ਬਾਅਦ ਪੱਤਰਕਾਰਾਂ ਨੂੰ ਸੰਬੋਧਨ ਕਰਦਿਆਂ, ਉਹਨਾਂ ਕਿਹਾ ਕਿ, ''ਪੰਜਾਬ ਵਿੱਚ ਅੱਤਵਾਦ ਜ਼ਿਆਦਾ ਖਤਰਾ ਨਹੀਂ, ਸਾਵਧਾਨ ਰਹਿਣ ਦੀ ਜ਼ਰੂਰਤ ਹੈ। ਬਿਹਤਰ ਹੈ ਕਿ ਅੱਤਵਾਦ ਦੇ ਖਤਰੇ ਤੋਂ ਪਹਿਲਾਂ ਹੀ ਚੌਕਸ ਰਿਹਾ ਜਾਵੇ।'' ਬਾਹਰਲੇ ਦੇਸ਼ਾਂ ਵਿੱਚ ਵੱਖਵਾਦੀ ਅਤੇ ਖਾਲਿਸਤਾਨੀ ਸਮਰਥਕ ਤਾਕਤਾਂ ਵੱਲੋਂ ਸ਼ੁਰੂ ਕੀਤੀ ਗਈ ਰੈਫਰੈਂਡਮ 2020 ਮੁਹਿੰਮ ਦਾ ਹਵਾਲਾ ਦਿੰਦੇ ਹੋਏ ਜਨਰਲ ਰਾਵਤ ਨੇ ਕਿਹਾ ਕਿ, ''ਕੇਂਦਰ ਅਤੇ ਰਾਜ ਸਰਕਾਰ ਇਸ ਮੁਹਿੰਮ ਪ੍ਰਤੀ ਪੂਰੀ ਤਰ੍ਹਾਂ ਜਾਣੂ ਹਨ ਅਤੇ ਉਚਿਤ ਕਾਰਵਾਈ ਕਰ ਰਹੀਆਂ ਹਨ। ਉਹਨਾਂ ਕਿਹਾ ਕਿ ਕੇਂਦਰ ਸਰਕਾਰ ਪੂਰਨ ਕਾਰਵਾਈ ਕਰੇਗੀ। ਫੌਜ ਵੀ ਪੂਰੀ ਤਰ੍ਹਾਂ ਜਾਣੂੰ ਹੈ ਅਤੇ ਉਚਿਤ ਕਾਰਵਾਈ ਕਰ ਰਹੀ ਹੈ। ਉਹਨਾਂ ਦਾਅਵਾ ਕੀਤਾ ਕਿ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਇਸ ਬਾਰੇ, ਖਾਸ ਤੌਰ 'ਤੇ ਚਿੰਤਤ ਹਨ ਅਤੇ ਉਹ ਇਹ ਨਿਸ਼ਚਿਤ ਕਰਨ ਲਈ ਸਿੱਧੀ ਕਾਰਵਾਈ ਕਰ ਰਹੇ ਹਨ ਕਿ ਪੰਜਾਬ ਵਿੱਚ ਹਿੰਸਾ ਨਾ ਫੈਲੇ। ਉਹਨਾਂ ਕਿਹਾ ਕਿ ਪੰਜਾਬ ਦੇ ਲੋਕਾਂ ਨੂੰ ਇਹ ਨਿਰਣਾ ਕਰਨਾ ਪਵੇਗਾ ਕਿ ਸੂਬੇ ਵਿੱਚ ਹਿੰਸਾ ਨਾ ਹੋਵੇ। ਜੇ ਬਾਹਰੀ ਤਾਕਤਾਂ ਵਿਦਰੋਹ ਫੈਲਾਉਣ ਦੀ ਕੋਸ਼ਿਸ਼ ਕਰ ਰਹੀਆਂ ਹਨ, ਉਹ ਖਤਮ ਕਰਨਾ ਹੋਵੇਗਾ।''
ਫੌਜ ਮੁਖੀ ਦਾ ਉਪਰੋਕਤ ਬਿਆਨ ਬਹੁਤ ਸਾਰੇ ਸੁਆਲ ਖੜ੍ਹੇ ਕਰਦਾ ਹੈ। ਪਹਿਲਾ ਅਤੇ ਮੁੱਖ ਸੁਆਲ ਇਹ ਹੈ ਕਿ ਭਾਰਤੀ ਹਾਕਮ ਹੁਣ ਤੱਕ ਇਹ ਪ੍ਰਚਾਰਦੇ ਆ ਰਹੇ ਹਨ ਕਿ ਫੌਜ ਸਰਹੱਦਾਂ ਦੀ ਰਾਖੀ ਲਈ ਹੈ। ਦੇਸ਼ ਦੀ ਅੰਦਰੂਨੀ ਸੁਰੱਖਿਆ ਅਤੇ ਅਮਨ-ਕਾਨੂੰਨ ਨੂੰ ਕੰਟਰੋਲ ਕਰਨ ਲਈ ਪੁਲਸ, ਨੀਮ-ਫੌਜੀ ਬਲ ਹਨ ਵੱਖ ਵੱਖ ਸੂਬਿਆਂ ਦੀਆਂ ਸਰਕਾਰਾਂ ਅਤੇ ਕੇਂਦਰ ਸਰਕਾਰ ਹੈ। ਜੇਕਰ ਦੇਸ਼ ਦੀ ਅੰਦਰੂਨੀ ਸੁਰੱਖਿਆ ਨੂੰ ਕੋਈ ਖਤਰਾ ਪੈਦਾ ਹੋ ਰਿਹਾ ਹੈ ਤਾਂ ਸਭ ਤੋਂ ਪਹਿਲਾ ਸਰੋਕਾਰ ਸੁਬਿਆਂ ਦੀਆਂ ਸਰਕਾਰਾਂ, ਇੰਟੈਲੀਜੈਂਸੀ ਏਜੰਸੀਆਂ ਅਤੇ ਪੁਲਸ ਮੁਖੀ ਦਾ ਹੈ।
ਫੌਜ ਮੁਖੀ ਦਾ ਇਹ ਬਿਆਨ ਜਦੋਂ ਸਾਹਮਣੇ ਆਇਆ, ਉਸ ਸਮੇਂ ਤੱਕ ਨਾ ਪੰਜਾਬ ਪੁਲਸ ਦੇ ਮੁਖੀ ਨੇ ਕੋਈ ਜੁਬਾਨ ਖੋਲ੍ਹੀ ਸੀ ਅਤੇ ਨਾ ਹੀ ਸੂਬੇ ਦੇ ਮੁੱਖ ਮੰਤਰੀ ਨੇ। ਹਾਂ- ਉਸ ਤੋਂ ਬਾਅਦ ਪੰਜਾਬ ਪੁਲਸ ਦੇ ਮੁਖੀ ਅਤੇ ਮੁੱਖ ਮੰਤਰੀ ਨੇ ਬਿਆਨ ਜ਼ਰੂਰ ਦਿੱਤੇ ਹਨ।
ਪੰਜਾਬ ਪੁਲਸ ਵੱਲੋਂ ਤਾਂ ਇਹਨਾਂ ਦਿਨਾਂ ਅੰਦਰ ਹਾਈ ਅਲਰਟ ਜਾਰੀ ਕੀਤਾ ਹੋਇਆ ਹੈ। ਪੰਜਾਬ ਦੇ ਬਠਿੰਡਾ ਅਤੇ ਫਿਰੋਜ਼ਪੁਰ ਜ਼ਿਲ੍ਹਿਆਂ ਵਿੱਚ ਅਚਨਚੇਤ ਛਾਪਿਆਂ ਅਤੇ ਤਲਾਸ਼ੀ ਮੁਹਿੰਮਾਂ ਦਾ ਦੌਰ ਜਾਰੀ ਹੈ। ਪੰਜਾਬ ਪੁਲਸ ਵੱਲੋਂ ਇਹ ਉਭਾਰਿਆ ਜਾ ਰਿਹਾ ਹੈ ਕਿ ਕਸ਼ਮੀਰੀ ਖਾੜਕੂ ਜ਼ਾਕਿਰ ਮੂਸਾ ਪੰਜਾਬ ਦੇ ਇਹਨਾਂ ਸਰਹੱਦੀ ਜ਼ਿਲ੍ਹਿਆਂ ਵਿੱਚ ਪੱਗੜੀ ਪਹਿਨ ਕੇ ਘੁੰਮ ਰਿਹਾ ਹੈ। ਇਹ ਵੀ ਦਾਅਵਾ ਕੀਤਾ ਗਿਆ ਕਿ ਉਸ ਨੂੰ ਬਠਿੰਡਾ ਰੇਲਵੇ ਸਟੇਸ਼ਨ ਉੱਤੇ ਦੇਖਿਆ ਗਿਆ। ਪੰਜਾਬ ਪੁਲਸ ਇਹ ਵੀ ਦਾਅਵਾ ਕਰ ਰਹੀ ਹੈ ਕਿ ਪੰਜਾਬ ਅੰਦਰ ਉਹ ਪੜ੍ਹਦਾ ਰਿਹਾ ਹੈ। ਜਿਸ ਕਰਕੇ ਉਸ ਵੱਲੋਂ ਪੰਜਾਬ ਅੰਦਰ ਸੰਪਰਕ ਵਿਕਸਤ ਕੀਤੇ ਹੋਏ ਹਨ।
ਪੰਜਾਬ ਦੀਆਂ ਵਿਦਿਅਕ ਸੰਸਥਾਵਾਂ ਅੰਦਰ ਵੀ ਕਸ਼ਮੀਰੀ ਵਿਦਿਆਰਥੀਆਂ ਦਾ ਸ਼ਿਕਾਰ ਪਿੱਛਾ ਕੀਤਾ ਜਾ ਰਿਹਾ ਹੈ। ਜਲੰਧਰ ਦੇ ਮਕਸੂਦਾ ਥਾਣੇ ਦੇ ਅੰਦਰ ਹੋਏ (ਜਾਂ ਕੀਤੇ) ਬੰਬ ਵਿਸਫੋਟ ਨੂੰ ਵੀ ਕਸ਼ਮੀਰੀ ਖਾੜਕੂਆਂ ਨਾਲ ਜੋੜਿਆ ਜਾ ਰਿਹਾ ਹੈ। ਜ਼ਾਕਿਰ ਮੂਸਾ ਦੀ ਭਾਲ ਦਿੱਲੀ ਅਤੇ ਯੂ.ਪੀ. ਵਿੱਚ ਵੀ ਕੀਤੀ ਜਾ ਰਹੀ ਹੈ।
ਪੰਜਾਬ ਦੇ ਸ਼ਹਿਰ ਅੰਮ੍ਰਿਤਸਰ ਨੇੜੇ ਰਾਜਾਸਾਂਸੀ ਕੋਲੇ ਇੱਕ ਨਿਰੰਕਾਰੀ ਭਵਨ ਅੰਦਰ ਦਾਖਲ ਹੋ ਕੇ ਮਾਰੀਆਂ ਗੋਲੀਆਂ ਨੂੰ ਪਾਕਿਸਤਾਨੀ ਖੁਫੀਆ ਏਜੰਸੀ (ਆਈ.ਐਸ.ਆਈ.) ਨਾਲ ਜੋੜ ਕੇ ਪੇਸ਼ ਕੀਤਾ ਜਾ ਰਿਹਾ ਹੈ। ਇਹ ਕਿਹਾ ਜਾ ਰਿਹਾ ਹੈ ਕਿ ਇਹ ਏਜੰਸੀ ਖਾਲਿਸਤਾਨੀਆਂ ਨੂੰ ਅਜਿਹਾ ਘਟਨਾਕਰਮ ਕਰਨ ਲਈ ਉਕਸਾਅ ਰਹੀ ਹੈ। ਜਦੋਂ ਕਿ ਜਿਹਨਾਂ ਵਿਅਕਤੀਆਂ ਨੂੰ ਇਸ ਘਟਨਾ ਵਿੱਚ ਫੜਿਆ ਗਿਆ, ਉਹ ਉਸ ਸਮੇਂ ਆਪਣੇ ਘਰ ਵਿੱਚ ਸਨ, ਜਿਸ ਦੇ ਸੀ.ਸੀ.ਟੀ.ਵੀ. ਫੁੱਟੇਜ ਵੀ ਅਦਾਲਤ ਨੂੰ ਮੁਹੱਈਆ ਕਰਵਾਏ ਗਏ ਹਨ। ਘਟਨਾ ਸਮੇਂ ਮੋਨੇ ਵਿਅਕਤੀਆਂ ਦੀ ਗੱਲ ਨਸ਼ਰ ਹੋਈ ਸੀ। ਫੜੇ ਗਏ ਵਿਅਕਤੀ ਕੇਸਾਧਾਰੀ ਹਨ। ਜਿਸ ਤੋਂ ਸ਼ੱਕ ਪ੍ਰਗਟ ਹੁੰਦਾ ਹੈ ਕਿ ਪੰਜਾਬ ਪੁਲਸ ਕਸ਼ਮੀਰੀ ਖਾੜਕੂਆਂ ਦੇ ਪੰਜਾਬ ਅੰਦਰ ਘੁੰਮਣ ਅਤੇ ਨਿਰੰਕਾਰੀ ਭਵਨ ਉੱਤੇ ਹਮਲੇ ਦੀ ਝੂਠੀਆਂ ਕਹਾਣੀਆਂ ਘੜਨ ਉੱਤੇ ਲੱਗੀ ਹੋਈ ਹੈ। ਲੋਕ ਚੰਗੀ ਤਰ੍ਹਾਂ ਜਾਣਦੇ ਹਨ ਕਿ ਨਿਰੰਕਾਰੀਆਂ ਤੇ ਖਾਲਿਸਤਾਨੀਆਂ ਦਾ ਹੁਣ ਕੋਈ ਟਕਰਾਅ ਨਹੀਂ ਚੱਲ ਰਿਹਾ। ਜਿਸ ਕਰਕੇ ਨਿਰੰਕਾਰੀ ਭਵਨ ਉੱਤੇ ਹਮਲਾ ਕਰਨਾ ਖਾਲਿਸਤਾਨੀਆਂ ਦੀ ਲੋੜ ਬਣ ਗਈ ਹੋਵੇ। ਇਸ ਤਰ੍ਹਾਂ ਹੀ ਕਸ਼ਮੀਰੀ ਖਾੜਕੂਆਂ ਦੀ ਮਕਸੂਦਾਂ ਥਾਣੇ ਜਾਂ ਪੰਜਾਬ ਅੰਦਰ ਕਿਤੇ ਹਮਲਾ ਕਰਨਾ ਕੋਈ ਲੋੜ ਹੋਵੇ।
ਜੇਕਰ ਫੌਜ ਮੁਖੀ ਵੱਲੋਂ ਉਭਾਰੇ ਰੈਫਰੈਂਡਮ 2020 ਨੂੰ ਦੇਖਿਆ ਜਾਵੇ ਤਾਂ ਪੰਜਾਬ ਅੰਦਰ ਇਹ ਕੋਈ ਮੁੱਦਾ ਨਹੀਂ। ਹਾਂ- ਸੋਸ਼ਲ ਮੀਡੀਏ ਉਪਰ ਜ਼ਰੂਰ ਕੁੱਝ ਖਾਲਿਸਤਾਨੀ ਆਗੂਆਂ ਵੱਲੋਂ ਇਸ ਮੁੱਦੇ ਨੂੰ ਉਭਾਰਿਆ ਜਾ ਰਿਹਾ ਹੈ। ਪੰਜਾਬ ਅੰਦਰ ਅਲੱਗ ਅਲੱਗ ਖਾਲਿਸਤਾਨ ਪੱਖੀ ਹਿੱਸਿਆਂ ਵਿੱਚ ਕੋਈ ਇੱਕਜੁੱਟਤਾ ਨਹੀਂ, ਆਪਸੀ ਵਿਸ਼ਵਾਸ਼ ਨਹੀਂ, ਸਰਬ-ਪ੍ਰਵਾਨਤ ਕੋਈ ਲੀਡਰਸ਼ਿੱਪ ਨਹੀਂ। ਕੁੱਝ ਹਿੱਸੇ ਤਾਂ ਮੁੜ ਸੋਚ ਵਿਚਾਰ ਦੇ ਅਮਲ ਵਿੱਚ ਹਨ। ਪੰਜਾਬ ਦੇ ਲੋਕ ਵੀ ਖਾਲਿਸਤਾਨੀ ਧਿਰਾਂ ਦੇ ਬੇਨਕਸ਼ ਪ੍ਰੋਗਰਾਮ ਦਾ ਜੋ ਲਾਗੂ ਰੂਪ ਹੰਢਾਅ ਚੁੱਕੇ ਹਨ। ਉਹ ਮੁੜ ਦੁਹਰਾਉਣ ਲਈ ਤਿਆਰ ਨਹਂੀਂ। ਹਾਂ, ਇਹ ਜ਼ਰੂਰ ਹੈ ਕਿ ਆਰ.ਐਸ.ਐਸ. ਦੀ ਅਗਵਾਈ ਹੇਠਲੀ ਹਿੰਦੂ ਫਾਸ਼ੀਵਾਦੀ ਮੋਦੀ ਹਕੂਮਤ ਹਿੰਦੂ ਰਾਸ਼ਟਰ ਦੇ ਨਿਰਮਾਣ ਲਈ ਕੌਮੀਅਤਾਂ ਅਤੇ ਧਾਰਮਿਕ ਘੱਟ ਗਿਣਤੀਆਂ ਪ੍ਰਤੀ ਜੋ ਨੀਤੀ ਅਤੇ ਅਮਲ ਲੈ ਕੇ ਆ ਰਹੀ ਹੈ, ਉਹ ਲਾਜ਼ਮੀ ਖਾਲਿਸਤਾਨ, ਕ੍ਰਿਸ਼ਚੀਅਨਸਥਾਨ, ਦਲਿਤਸਥਾਨਾਂ ਵਰਗੀਆਂ ਮੰਗਾਂ ਦੇ ਉਭਰਨ ਦਾ ਆਧਾਰ ਮੁਹੱਈਆ ਕਰੇਗਾ।
ਉਹ ਧਰਮ ਦੇ ਆਧਾਰਤ ਹਿੰਦੂ ਕੌਮ ਪ੍ਰਭਾਸ਼ਤ ਕਰਦੇ ਹੋਣ ਕਾਰਨ ਹਿੰਦੋਸਤਾਨ ਨੂੰ ਬਹੁਕੌਮੀ ਮੁਲਕ ਮੰਨਣ ਲਈ ਤਿਆਰ ਨਹੀਂ। ਉਹ ਅੱਡ ਅੱਡ ਕੌਮਾਂ ਨੂੰ ਆਪਾ-ਨਿਰਣੇ ਦਾ ਹੱਕ ਦੇਣ ਲਈ ਤਿਆਰ ਨਹੀਂ। ਹੱਕ ਮੰਗਣਾ ਅਤੇ ਉਸਦੇ ਲਈ ਲੜਨਾ ਇਨ੍ਹਾਂ ਲਈ ਦੇਸ਼ ਧਰੋਹ ਹੈ, ਅੱਤਵਾਦ ਹੈ।
ਉਹ ਹਿੰਦੋਸਤਾਨ ਨੂੰ ਬਹੁ-ਧਰਮੀ ਮੁਲਕ ਮੰਨਣ ਲਈ ਤਿਆਰ ਨਹੀਂ। ਉਹ ਦੂਜੇ ਧਰਮਾਂ ਨੂੰ ਬਰਾਬਰਤਾ ਦੇਣ ਲਈ ਤਿਆਰ ਨਹੀਂ। ਮੁਸਲਮਾਨ, ਇਸਾਈ ਧਰਮਾਂ ਨੂੰ ਤਾਂ ਉਹ ਬਾਹਰੀ ਧਰਮ ਮੰਨਦੇ ਹੀ ਹਨ। ਸਿੱਖ ਅਤੇ ਆਦਿਵਾਸੀ ਧਰਮਾਂ ਨੂੰ ਉਹ ਹਿੰਦੂ ਧਰਮ ਦਾ ਹਿੱਸਾ ਮੰਨਦੇ ਹਨ। ਉਹਨਾਂ ਦੀ ਵੱਖਰੀ ਹੋਂਦ, ਹਸਤੀ, ਇਤਿਹਾਸ ਨੂੰ ਮੰਨਣ ਲਈ ਤਿਆਰ ਨਹੀਂ। ਜਿਸ ਕਰਕੇ ਹਿੰਦੂ ਰਾਸ਼ਟਰ ਦੇ ਨਿਰਮਾਣ ਲਈ ਉਹ ਮੁਸਲਮਾਨਾਂ ਅਤੇ ਈਸਾਈਆਂ ਉੱਤੇ ਸਿੱਧੇ ਹਮਲੇ ਕਰਦੇ ਹਨ। ਸਿੱਖ ਅਤੇ ਆਦਿਵਾਸੀ ਧਰਮਾਂ ਨੂੰ ਖਤਮ ਕਰਨ ਲਈ ਉਹ ਇਹਨਾਂ ਅੰਦਰ ਘੁਸਪੈਂਠ ਕਰਕੇ ਅਜਿਹੀਆਂ ਤਾਕਤਾਂ ਵਿਕਸਤ ਕਰਨ ਉੱਤੇ ਲੱਗੇ ਹੋਏ ਹਨ, ਜੋ ਸਿੱਖ ਅਤੇ ਆਦਿਵਾਸੀ ਬਾਣਾ ਪਹਿਨ ਕੇ ਇਹਨਾਂ ਧਰਮਾਂ ਦੀ ਆਰ.ਐਸ.ਐਸ. ਵਾਲੀ ਵਿਆਖਿਆ ਕਰੇ, ਹਿੰਦੂ ਰਾਸ਼ਟਰ ਦੇ ਨਿਰਮਾਣ ਲਈ ਉਸਦੇ ਪੱਖ ਵਿੱਚ ਖੜ੍ਹੇ। ਸਿੱਖ ਅਤੇ ਆਦਿਵਾਸੀ ਧਰਮਾਂ ਦੇ ਜਿਹੜੇ ਹਿੱਸੇ ਆਰ.ਐਸ.ਐਸ. ਦੇ ਇਸ ਨੀਤੀ-ਪੈਂਤੜੇ ਦਾ ਵਿਰੋਧ ਕਰਦੇ ਹਨ। ਉਹ ਉਹਨਾਂ ਲਈ ਰਾਸ਼ਟਰ ਵਿਰੋਧੀ ਹਨ, ਦੇਸ਼ ਵਿਰੋਧੀ ਹਨ, ਅੱਤਵਾਦੀ ਹਨ। ਖਾਲਿਸਤਾਨੀ ਹਿੱਸੇ ਸਿੱਖਾਂ ਨਾਲ ਧਾਰਮਿਕ ਵਿਤਕਰੇ ਤੇ ਧੱਕੇ ਦੀ ਗੱਲ ਠੀਕ ਨੋਟ ਕਰਦੇ ਹਨ। ਇਸਦੇ ਖਾਤਮੇ ਲਈ ਧਾਰਮਿਕ ਬਰਾਬਰਤਾ ਦੀ ਗੱਲ ਉਭਾਰਨ ਤੇ ਹੋਰ ਧਾਰਮਿਕ ਘੱਟ ਗਿਣਤੀਆਂ ਨੂੰ ਆਪਣੇ ਨਾਲ ਲੈਣ ਦੀ ਥਾਂ ਸਿੱਖ ਧਰਮ ਦੇ ਆਧਾਰ 'ਤੇ ਵੱਖਰੀ ਸਟੇਟ ਦਾ ਸੰਕਲਪ ਉਭਾਰਦੇ ਹਨ। ਜਿਹੜਾ ਸਿੱਖ ਧਰਮ ਨਾਲ ਵਿਤਕਰੇਬਾਜ਼ੀ ਤੇ ਧੱਕੇ ਦੇ ਪ੍ਰਤੀਕਰਮ ਵਿੱਚੋਂ ਪੈਦਾ ਹੋਇਆ ਹੈ। ਜਿਹੜਾ ਆਰ.ਐਸ.ਐਸ. ਦੀ ਉਲਟੀ ਨਕਲ ਵਿੱਚੋਂ ਪੈਦਾ ਹੋਇਆ ਹੈ। ਜਿਸਦਾ ਸਿੱਖ ਗੁਰੂਆਂ ਵੱਲੋਂ ਕਲਪੇ ਖਾਲਸਾ ਰਾਜ ਨਾਲ ਕੋਈ ਮੇਲ ਨਹੀਂ। ਜਿਹੜਾ ਉਹਨਾਂ ਨੂੰ ਖੁਦ ਨਿਖੇੜੇ ਦੀ ਹਾਲਤ ਵਿੱਚ ਸੁੱਟਦਾ ਹੈ।
ਸੋ ਭਾਰਤੀ ਫੌਜ ਦੇ ਮੁਖੀ ਵੱਲੋਂ ਦਿੱਤਾ ਉਪਰੋਕਤ ਬਿਆਨ ਅਤੇ ਪੰਜਾਬ ਪੁਲਸ ਤੇ ਪੰਜਾਬ ਸਰਕਾਰ ਵੱਲੋਂ ਸ਼ੁਰੂ ਕੀਤੀ ਮੁਹਿੰਮ ਕਸ਼ਮੀਰੀ ਖਾੜਕੂਆਂ ਅਤੇ ਖਾਲਿਸਤਾਨੀਆਂ ਦਾ ਨਕਲੀ ਹਊਆ ਖੜ੍ਹਾ ਕਰਕੇ ਲੋਕਾਂ ਅੰਦਰ ਦਹਿਸ਼ਤ ਤੇ ਅਸੁਰੱਖਿਆ ਦਾ ਮਾਹੌਲ ਸਿਰਜਣ ਦੀ ਇੱਕ ਚਾਲ ਹੈ।
ਫੌਜ ਮੁਖੀ ਆਰ.ਐਸ.ਐਸ. ਦਾ ਸ਼ਾਤਰ ਨੁਮਾਇੰਦਾ ਹੈ। ਮੋਦੀ ਹਕੂਮਤ ਵੱਲੋਂ ਉਸ ਦੇ ਪਟੇ ਖੋਲ੍ਹ ਦਿੱਤੇ ਗਏ ਹਨ। ਮੋਦੀ ਹਕੂਮਤ ਹਿੰਦੂ ਰਾਸ਼ਟਰ ਦੇ ਨਿਰਮਾਣ ਲਈ ਫੌਜ ਅੰਦਰ ਧਰੁਵੀਕਰਨ ਦੇ ਰਾਹ ਪਈ ਹੋਈ ਹੈ। ਪਿਛਲੇ ਦਿਨੀਂ ਚੰਡੀਗੜ੍ਹ ਵਿੱਚ ਹੋਏ ਆਰਮੀ ਲਿਟਰੇਰੀ ਫੈਸਟੀਵਲ ਵਿੱਚ ਫੌਜੀ ਅਫਸਰਾਂ ਦੇ ਫੌਜ ਮੁਖੀ ਦੇ ਉਲਟ ਪ੍ਰਤੀਕਰਮ ਸਾਹਮਣੇ ਆ ਚੁੱਕੇ ਹਨ। ਫੌਜ ਮੁਖੀ ਦਾ ਉਪਰੋਕਤ ਬਿਆਨ ਇਹ ਸਾਫ ਕਰਦਾ ਹੈ ਕਿ ਮੋਦੀ ਹਕੂਮਤ ਦਾ ਸਟੇਟ ਪੁਲਸ ਫੋਰਸਾਂ, ਨੀਮ ਫੌਜੀ ਬਲਾਂ, ਸੂਬਾ ਸਰਕਾਰ ਉੱਤੇ ਵਿਸ਼ਵਾਸ਼ ਘੱਟ ਰਿਹਾ ਹੈ। ਫੌਜ ਅਤੇ ਇਸਦੇ ਮੁਖੀ ਉੱਤੇ ਟੇਕ ਵਧ ਰਹੀ ਹੈ। ਫੌਜ ਮੁਖੀ, ਕੇਂਦਰੀ ਗ੍ਰਹਿ ਮੰਤਰੀ ਤੇ ਸੂਬੇ ਦੇ ਗ੍ਰਹਿ ਮੰਤਰੀ ਵਾਲਾ ਰੋਲ ਸਾਂਭ ਰਿਹਾ ਹੈ। ਇਸ ਕਰਕੇ ਫੌਜ ਮੁਖੀ ਦੇਸ਼ ਦੀਆਂ ਅੰਦਰੂਨੀ ਸਮੱਸਿਆਵਾਂ ਉੱਤੇ ਸਿੱਧੇ ਬਿਆਨ ਦੇਣ ਲਈ ਅੱਗੇ ਆ ਰਿਹਾ ਹੈ। ਉਹ ਇੱਥੋਂ ਤੱਕ ਦਾਅਵਾ ਕਰ ਰਿਹਾ ਹੈ ਕਿ ''ਕੈਪਟਨ ਅਮਰਿੰਦਰ ਸਿੰਘ ਬਹੁਤ ਚਿੰਤਤ ਹਨ। ਉਹ ਸਿੱਧੀ ਕਾਰਵਾਈ ਕਰ ਰਹੇ ਹਨ'' ''ਫੌਜ ਕਾਰਵਾਈ ਲਈ ਪੂਰੀ ਤਰ੍ਹਾਂ ਤਿਆਰ ਹੈ''
ਜੋ ਮੁੱਦੇ ਫੌਜ ਮੁਖੀ, ਪੰਜਾਬ ਪੁਲਸ ਅਤੇ ਕੈਪਟਨ ਅਮਰਿੰਦਰ ਸਿੰਘ ਉਭਾਰ ਰਹੇ ਹਨ। ਇਹ ਕੋਈ ਦੇਸ਼ ਦੀ ਅੰਦਰੂਨੀ ਸੁਰੱਖਿਆ ਨੂੰ ਖਤਰਾ ਨਹੀਂ। ਖਤਰਾ ਮੋਦੀ ਹਕੂਮਤ ਹੈ। ਜਿਸ ਨੂੰ ਪੰਦਰਵੀਂ ਲੋਕ ਸਭਾ ਚੋਣਾਂ ਵਿੱਚ ਹਾਰਨ ਦਾ ਧੁੜਕੂ ਲੱਗਿਆ ਹੋਇਆ ਹੈ। ਜਿਸ ਕਰਕੇ ਉਹ ਦੇਸ਼ ਦੀ ਅੰਦਰੂਨੀ ਸੁਰੱਖਿਆ ਨੂੰ ਖਤਰਾ ਦੱਸ ਕੇ ਕੋਈ ਵੱਡਾ ਡਰਾਮਾ ਵੀ ਕਰ ਸਕਦੀ ਹੈ, ਜਿਸ ਕਰਕੇ ਫੌਜ ਮੁਖੀ ਨੂੰ ਅੱਗੇ ਲਿਆਂਦਾ ਜਾ ਰਿਹਾ ਹੈ। ਫੌਜ ਮੁਖੀ ਬਿਪਿਨ ਰਾਵਤ ਤੇ ਮੋਦੀ ਹਕੂਮਤ ਦਾ ਸੁਰੱਖਿਆ ਸਲਾਹਕਾਰ ਅਜੀਤ ਡੋਵਾਲ ਉਤਰਾਖੰਡ ਦੇ ਰਹਿਣ ਵਾਲੇ ਆਰ.ਐਸ.ਐਸ. ਦੇ ਨੁਮਾਇੰਦੇ ਹਨ। ਇਸ ਕਰਕੇ ਫੌਜ ਮੁਖੀ ਦੇ ਬਿਆਨ ਨੂੰ ਗੰਭੀਰਤਾ ਨਾਲ ਲੈਣ ਦੀ ਜ਼ਰੂਰਤ ਹੈ। ਲੋਕ ਸਭਾਈ ਚੋਣਾਂ ਤੋਂ ਪਹਿਲਾਂ ਤੇ ਦੌਰਾਨ ਵਾਪਰਨ ਵਾਲੀਆਂ ਘਟਨਾਵਾਂ ਫੌਜ ਮੁਖੀ ਦੇ ਬਿਆਨ ਦੀ ਰੌਸ਼ਨੀ ਵਿੱਚ ਘੋਖਣ ਦੀ ਜ਼ਰੂਰਤ ਹੈ। ਇਸ ਕਰਕੇ ਪੰਜਾਬ ਜਾਂ ਦੇਸ਼ ਦੀ ਅੰਦਰੂਨੀ ਸੁਰੱਖਿਆ ਨੂੰ ਖਤਰਾ ਕਿਸੇ ਅਖੌਤੀ ਅੱਤਵਾਦੀ ਤੋਂ ਨਹੀਂ ਸਗੋਂ ਆਰ.ਐਸ.ਐਸ. ਦੇ ਭਗਵੇਂ ਅੱਤਵਾਦ ਤੋਂ ਹੈ, ਜਿਸ ਵਿਰੁੱਧ ਸਾਂਝੀ ਲੜਾਈ ਲੜਨ ਦੀ ਜ਼ਰੂਰਤ ਹੈ
